കോട്ടയം : തമിഴ്നാട് വാല്പ്പാറയില് മലയാളി സ്ത്രീയെ തീകൊളുത്തി മരിച്ച നിലയില് കണ്ടെത്തി. ഇടിആർ എസ്റ്റേറ്റിലെ മാനേജറും കോട്ടയം സ്വദേശിയുമായ ഗ്രീസിന്റെ ഭാര്യ ഇന്ദുമതിയെയാണ് മരിച്ച നിലയില് കണ്ടെത്തിയത്.47 വയസായിരുന്നു.
ഇന്ന് രാവിലെ 7.45നായിരുന്നു സംഭവം. എസ്റ്റേറ്റിലെ വീടിനുള്ളിലാണ് ഇന്ദുമതിയെ മണ്ണെണ്ണ ഒഴിച്ച് തീകൊളുത്തി മരിച്ച നിലയില് കണ്ടെത്തിയത്. ഗ്രീസ് എസ്റ്റേറ്റിലേക്ക് പോയതിന് പിന്നാലെയാണ് സംഭവം ഉണ്ടായത്
വീട്ടില് നിന്ന് തീ ഉയരുന്നത് കണ്ട് അയല്വാസി എത്തിയപ്പോഴേക്കും ഇന്ദുമതി മരിച്ചിരുന്നു. മൃതദേഹം വാല്പ്പാറ സർക്കാർ ആശുപത്രിയിലേക്ക് മാറ്റി. സംഭവത്തില് വാല്പ്പാറ പൊലീസ് അന്വേഷണം ആരംഭിച്ചു
മലയാളി യുവതിയെ തമിഴ്നാട്ടില് തീകൊളുത്തി മരിച്ച നിലയില് കണ്ടെത്തി
