ബെംഗളൂരു: ബെംഗളൂരുവിൽ 20 ലക്ഷം രൂപ വിലമതിക്കുന്ന എം.ഡി.എം.എ.യുമായി മലയാളിയായ പാരാമെഡിക്കൽ വിദ്യാർഥിയെ പോലീസ് അറസ്റ്റുചെയ്തു. കെങ്കേരിയിൽ സ്വകാര്യ കോളേജ് വിദ്യാർഥിയായ ബെസ്റ്റിൻ റോയ് (23) ആണ് അറസ്റ്റിലായത്. കോളേജ് വിദ്യാർഥികൾക്കും യുവാക്കൾക്കുമാണ് ബെസ്റ്റിൻ ലഹരിമരുന്ന് വിതരണം ചെയ്തിരുന്നതെന്ന് പോലീസ് പറഞ്ഞു. മൊബൈൽ ഫോണും സ്കൂട്ടറും ബസവനഗുഡി പോലീസ് പിടിച്ചെടുത്തു.എവിടെനിന്നാണ് എം.ഡി.എം.എ. ലഭിച്ചതെന്ന കാര്യം പോലീസ് അന്വേഷിച്ചുവരുകയാ
ഇന്ദിരാകാന്റീനിലെ രുചിയറിഞ്ഞ പ്രിയ നേതാവ്
ബെംഗളൂരു: അഞ്ചുവർഷം മുമ്പ് ഒരു മേയ് മാസത്തിൽ ബെംഗളൂരുവിൽ തിരഞ്ഞെടുപ്പ് പ്രചാരണത്തിനെത്തിയതാണ് ഉമ്മൻ ചാണ്ടി. പ്രചാരണത്തിരക്കിനിടെ അദ്ദേഹത്തിന് ഒരാഗ്രഹം, ഇന്ദിരാ കാന്റീനിൽനിന്ന് ഭക്ഷണം കഴിക്കണം. ഈ ആഗ്രഹം കെ.പി.സി.സി. ജനറൽ സെക്രട്ടറിയായിരുന്ന അഡ്വ. സത്യൻ പുത്തൂരിനെ വിളിച്ചുപറഞ്ഞു.
തുടർന്ന് അന്നുരാവിലെതന്നെ ഉമ്മൻ ചാണ്ടിയെ പീനിയയിലെ ഇന്ദിരാ കാന്റീനിൽ കൊണ്ടുപോയി. പ്രഭാതഭക്ഷണം കഴിച്ചശേഷം ഇന്ദിരാകാന്റീനിലെ ഭക്ഷണത്തെ പ്രശംസിച്ച് ഉമ്മൻ ചാണ്ടി സാമൂഹിക മാധ്യമത്തിൽ പോസ്റ്റിട്ടു. മകൻ ചാണ്ടി ഉമ്മനും കൂടെയുണ്ടായിരുന്നു. അക്കാലത്ത് സിദ്ധരാമയ്യ സർക്കാരിന്റെ ജനപ്രിയ പദ്ധതിയായി പേരെടുത്തിരിക്കുകയായിരുന്നു ഇന്ദിരാകാന്റീൻ.
ഇങ്ങനെ ഒട്ടേറെ ഓർമകളാണ് ഉമ്മൻ ചാണ്ടി ബെംഗളൂരുവിന് സമ്മാനിച്ചിട്ടുള്ളത്. ബെംഗളൂരുവുമായും ഇവിടത്തെ മലയാളികളുമായും അടുത്ത ബന്ധമുണ്ടായിരുന്നു. അതിന്റെ തെളിവാണ് ചൊവ്വാഴ്ചരാവിലെ ബെംഗളൂരുവിൽ അദ്ദേഹത്തെ അവസാനമായി കാണാനെത്തിയ ജനക്കൂട്ടം. തിരഞ്ഞെടുപ്പ് സമയങ്ങളിലൊക്കെ പ്രചാരണത്തിനെത്തുന്നത് പതിവായിരുന്നു. ഉമ്മൻ ചാണ്ടി വന്നാൽ ആളുകൾ കൂടും.
അതിനാൽ പ്രചാരണത്തിന് അദ്ദേഹത്തെ തന്നെ കിട്ടാൻ ബെംഗളൂരുവിലെ മലയാളിസംഘടനകൾ ശ്രദ്ധിച്ചുപോന്നു. മലയാളികളുടെ പ്രശ്നങ്ങൾ കേൾക്കുകയും പരിഹരിക്കാനാവശ്യമായ നടപടികൾ സ്വീകരിക്കുകയുംചെയ്തു. ആരെങ്കിലും പരിഭവവുമായി അദ്ദേഹത്തിനടുത്തെത്തിയാൽ എന്തു ചെറിയ പ്രശ്നം ആണെങ്കിൽപോലും വളരെ ഗൗരവമായിട്ടാകും അതിനെ എടുക്കുക.
2004-ലെ തിരഞ്ഞെടുപ്പ് സമയത്ത് ഉമ്മൻ ചാണ്ടി പ്രചാരണത്തിനെത്തിയപ്പോൾ ബെംഗളൂരുവിൽ പതിനായിരത്തോളം പേരുടെ പരിപാടി സംഘടിപ്പിച്ചിരുന്നു. ബെംഗളൂരുവിൽ വരുന്ന സമയത്തൊക്കെ സ്ഥിരമായി താമസിച്ചിരുന്നത് പീനിയയിൽ ബന്ധുവീട്ടിലായിരുന്നു. കഴിഞ്ഞ വർഷം അസുഖമായി വന്നശേഷം ഉമ്മൻചാണ്ടി താമസിച്ചിരുന്നത് നെലമംഗലയിലായിരുന്നു. ഈ വർഷം ഫെബ്രുവരിയിൽ ചികിത്സയ്ക്കെത്തിയപ്പോഴാണ് അന്തരിച്ച മുൻ മന്ത്രി ടി. ജോണിന്റെ ഭവനത്തിൽ താമസം തുടങ്ങിയത്.
