ബാംഗ്ലൂർ: ബെംഗളൂരുവിലെ എം.ജി. റോഡ് രാജ്യത്തെ ഏറ്റവും മികച്ച വ്യാപാരത്തെരുവ്. സ്വകാര്യ ഏജൻസിയായ ‘നൈറ്റ് ഫ്രാങ്കി’ന്റെ സർവേയിലാണ് കണ്ടെത്തൽ.നഗരത്തിലെ മറ്റു തെരുവുകളായ കെമേഴ്ഷ്യൽ സ്ട്രീറ്റ് പട്ടികയിൽ ഏഴാമതും ബ്രിഗേഡ് റോഡ് ഒമ്പതാമതും ചർച്ച് സ്ട്രീറ്റ് പത്താമതുമായി ഇടം നേടി.
ഹൈദരാബാദിലെ സോമാജിഗുഡയാണ് പട്ടികയിൽ ഒന്നാം സ്ഥാനത്ത്. മുംബൈയിലെ ലിങ്കിങ്ങ് റോഡിനാണ് രണ്ടാംസ്ഥാനം. പാർക്കിങ് സൗകര്യം, പൊതുഗതാഗതസൗകര്യം, കച്ചവടത്തിന്റെ അളവ്, കച്ചവടസ്ഥാപനങ്ങളുടെ നിലവാരം തുടങ്ങിയ ഘടകങ്ങൾ പരിശോധിച്ചാണ് പട്ടിക തയ്യാറാക്കിയിരിക്കുന്നത്.
*കാര് യാത്രികരുടെ ശ്രദ്ധയ്ക്ക്, കുട്ടികള് ഇനി പിൻസീറ്റില് മാത്രം, ബേബി കാര് സീറ്റും നിര്ബന്ധം*
പട്ടികയിൽ ഉൾപ്പെട്ട എം.ജി. റോഡ്, കൊമേഴ്ഷ്യൽ സ്ട്രീറ്റ്, ചർച്ച് സ്ട്രീറ്റ് തുടങ്ങിയവ ഒട്ടേറെ ഭക്ഷണശാലകളും പബ്ബുകളുമുള്ള പ്രദേശമാണ്.അന്താരാഷ്ട്രതലത്തിലുള്ള പ്രമുഖ ബ്രാൻഡുകൾക്കും ഇവിടെ സ്വന്തമായി വിൽപ്പനകേന്ദ്രങ്ങളുണ്ട്. നഗരത്തിൽ ഏറ്റവും കൂടുതൽ വാടകയീടാക്കുന്ന വാണിജ്യകെട്ടിടങ്ങളും ഈ മേഖലകളിലാണുള്ളത്.
