ന്യൂഡല്‍ഹി: രാജ്യത്ത് കോവിഡിന്റെ രണ്ടാം തരംഗം അതിരൂക്ഷമാകുന്നതോടെ മൂന്നുലക്ഷത്തിനടുത്ത് പുതിയ കോവിഡ് ബാധിതര്‍. 24 മണിക്കൂറിനിടെ 2,95,041 പേര്‍ക്ക് പുതുതായി രോഗം സ്ഥിരീകരിച്ചു. കോവിഡ് മൂലം 2023 പേര്‍ക്ക് ജീവന്‍ നഷ്ടപ്പെട്ടതായും ആരോഗ്യമന്ത്രാലയം അറിയിച്ചു.
തുടര്‍ച്ചയായ ഏഴാംദിവസമാണ് കോവിഡ് ബാധിതരുടെ എണ്ണം രണ്ടുലക്ഷം കടക്കുന്നത്. ഇതോടെ ചികിത്സയിലുള്ളവരുടെ എണ്ണം 21,57,538 ആയി.
ലോക്ക് ഡൗൺ ഇല്ല, പകരം രാത്രി കാല കർഫ്യൂ, വരാന്ത കർഫ്യൂ. കർശന നിയന്ത്രണം
1,67,457പേരാണ് കഴിഞ്ഞദിവസം രോഗമുക്തി നേടിയത്. ഇതോടെ രോഗമുക്തി നേടിയവരുടെ എണ്ണം 1,32,76,039 ആയതായും ആരോഗ്യമന്ത്രാലയം അറിയിച്ചു.
1,82,553 പേരാണ് രാജ്യത്ത് ഇതുവരെ കോവിഡ് ബാധിച്ച്‌ മരിച്ചത്.
ലോകത്ത് കോവിഡ് ബാധിതരുടെ എണ്ണത്തില്‍ രണ്ടാംസ്ഥാനത്താണ് ഇന്ത്യ. ഏറ്റവും കൂടുതല്‍ രോഗികള്‍ യു.എസിലാണ്. 3,25,36,470 പേര്‍ക്കാണ് ഇതുവരെ യു.എസില്‍ കോവിഡ് ബാധിച്ചത്. ഇന്ത്യയില്‍ 1,56,16,130 പേര്‍ക്കും.
13,01,19,310 പേരാണ് രാജ്യത്ത് ഇതുവരെ വാക്സിന് സ്വീകരിച്ചത്. കോവിഡ് രണ്ടാം തരംഗം കൊടുങ്കാറ്റ് പോലെയെന്ന് പ്രധാനമന്ത്രി നരേന്ദ്രമോദി കഴിഞ്ഞദിവസം അറിയിച്ചിരുന്നു. കോവിഡ് വ്യാപനം രൂക്ഷമായ പശ്ചാത്തലത്തില്‍ രാജ്യത്തെ അഭിസംബോധന ചെയ്യുകയായിരുന്നു അദ്ദേഹം. രാജ്യം അഭിമുഖീകരിക്കുന്ന വെല്ലുവിളി വലുതാണ്.പക്ഷെ നമ്മള്‍ മറികടക്കും. കോവിഡിനെതിരെ രാജ്യം വലിയ പോരാട്ടത്തിലാണ്.
നിലവില്‍ രാജ്യത്ത് ഓക്സിജന് ക്ഷാമം ഉണ്ട്. അതെ സമയം ഒാക്സിജന്റെ ആവശ്യകത വര്‍ദ്ധിച്ചു. അത് പരിഹരിക്കാനുള്ള നടപടികള്‍ ആരംഭിച്ചിട്ടുണ്ട്. ഓക്സിജന്റെയും മരുന്നിന്‍െയും വിതരണം വര്‍ദ്ധിപ്പിക്കാന്‍ സര്‍ക്കാറും സ്വകാര്യമേഖലയിലുള്ളവരും സംസ്ഥാനങ്ങളും ഒരുമിച്ചുള്ള പ്രവര്‍ത്തനത്തിലാണെന്നും മോദി പറഞ്ഞു
