ബെംഗളൂരു : ഗോവയിലെ മുൻ എം.എൽ.എ. ലാവോ മാമലേദാർ (68) ബെലഗാവിയിൽ ഓട്ടോഡ്രൈവറുടെ മർദനത്തിനുപിന്നാലെ കുഴഞ്ഞുവീണു മരിച്ചു.ബെലഗാവിയിലെ ഖാദെ ബസാറിൽ ശനിയാഴ്ച ഉച്ചയോടെയായിരുന്നു സംഭവം. ഓട്ടോഡ്രൈവറെ പോലീസ് അറസ്റ്റുചെയ്‌തു. ബിസിനസ് സംബന്ധമായ ആവശ്യത്തിനെത്തിയ ലാവോ മാമലേദാർ ഖാദെ ബസാറിലെ ഹോട്ടലിൽ താമസിക്കുകയായിരുന്നു.ഹോട്ടലിൽനിന്ന് കാറിൽ പുറത്തേക്കുവരുന്നതിനിടെ ഓട്ടോ ഡ്രൈവറുമായി വാക്കേറ്റമുണ്ടായതാണ് സംഭവത്തിന്റെ തുടക്കം. ലാവോയുടെ കാർ ഓട്ടോറിക്ഷയിൽ തട്ടിയെന്നുപറഞ്ഞായിരുന്നു ഡ്രൈവർ വാക്കേറ്റത്തിനു മുതിർന്നത്.
ഇതു പിന്നീട് കൈയാങ്കളിയാകുകയും ഡ്രൈവർ ലാവോയെ മർദിക്കുകയുമായിരുന്നെന്ന് പോലീസ് പറഞ്ഞു. പലതവണ മുഖത്തടിയേൽക്കുന്നതിന്റെ ദൃശ്യം സ്ഥലത്തെ സി.സി.ടി.വി. ക്യാമറയിൽ പതിഞ്ഞിട്ടുണ്ട്. മർദനമേറ്റശേഷം തിരികെ ഹോട്ടലിലേക്ക് കയറിയ ലാവോ റിസപ്ഷനിൽ കുഴഞ്ഞുവീഴുകയായിരുന്നു.ഉടൻ ബെലഗാവി ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെത്തിച്ചെങ്കിലും ജീവൻ രക്ഷിക്കാനായില്ല.
ഗോവയിലെ ഫോൻഡ മണ്ഡലത്തിൽ 2012 മുതൽ 2017 വരെ എം.എൽ.എ.യായിരുന്നു ലാവോ മാമലേദാർ. 2012-ലാണ് രാഷ്ട്രീയത്തിലെത്തിയത്. മഹാരാഷ്ട്രാവാദി ഗോമന്തക് പാർട്ടിയിലായിരുന്നു തുടക്കം. പിന്നീട് കോൺഗ്രസിലെത്തി. 2022-ലെ നിയമസഭാ തിരഞ്ഞെടുപ്പിൽ മർകായിം മണ്ഡലത്തിൽ മത്സരിച്ചെങ്കിലും പരാജയപ്പെട്ടു. രാഷ്ട്രീയത്തിലെത്തുന്നതിനുമുൻപ് പോലീസ് സർവീസിലായിരുന്നു. ഗോവയിൽ ഡിവൈ.എസ്.പി.യായിട്ടുണ്ട്.
സിസിടിവിയില്‍ ട്രാൻസ്ജെൻഡര്‍ സാന്നിധ്യം തിരിച്ചറിഞ്ഞു; തട്ടിക്കൊണ്ടുപോകല്‍ പൊളിച്ചത് കേരള പൊലീസ്
എറണാകുളം ആലുവയില്‍ ഒരു മാസം പ്രായമുളള കുഞ്ഞിനെ തട്ടിക്കൊണ്ടു പോകാനുളള ശ്രമമാണ് പൊലീസ് പൊലീസ് കുഞ്ഞിനെ തട്ടിക്കൊണ്ടു പോയ ട്രാന്‍സ്ജെന്‍ഡര്‍ ഉള്‍പ്പെടെ രണ്ടു പേരെ പൊലീസ് അറസ്റ്റ് ചെയ്തു.ഇന്നലെ രാത്രിയിലുണ്ടായ തട്ടിക്കൊണ്ടു പോകല്‍ ശ്രമം പൊലീസിന്‍റെ സമയബന്ധിതമായ ഇടപെടലിലൂടെയാണ് പൊളിഞ്ഞു പോയത്.ബിഹാര്‍ സ്വദേശിനിയുടെ ഒരു മാസം പ്രായമുളള കുട്ടിയെ തട്ടിക്കൊണ്ടുപോയെന്ന വിവരം ആലുവ ഈസ്റ്റ് പൊലീസ് സ്റ്റേഷനില്‍ കിട്ടുന്നത് കഴിഞ്ഞ ദിവസം രാത്രിയാണ്. എഴുപതിനായിരം രൂപ ആവശ്യപ്പെട്ടാണ് കുട്ടിയെ തട്ടിയെടുത്തെന്ന വിവരവും പൊലീസിന് കിട്ടി. തട്ടിക്കൊണ്ടു പോയവരില്‍ ഒരു ട്രാന്‍സ് ജെന്‍ഡറുമുണ്ടെന്ന വിവരം നിര്‍ണായകമായി.
തുടര്‍ന്ന് സ്റ്റേഷന്‍ ക്രൈം ഗ്യാലറിയില്‍ നിന്ന് സംശയമുളളവരുടെ ചിത്രങ്ങളില്‍ നിന്ന് കുട്ടിയുടെ അമ്മ റിങ്കി എന്ന ട്രാന്‍സ്ജെന്‍ഡറിനെ തിരിച്ചറിഞ്ഞു.റിങ്കിയുടെ താമസ സ്ഥലത്തേക്ക് പൊലീസ് എത്തുമ്ബോഴേക്കും അവര്‍ കുട്ടിയുമായി കടന്നിരുന്നു. തുടര്‍ന്ന് സിസിടിവി ദൃശ്യങ്ങളുടെ സഹായത്തോടെ നടത്തിയ അന്വേഷണത്തിലാണ് കുട്ടിയുമായി സംഘം തൃശൂര്‍ ഭാഗത്തേക്ക് കടന്നെന്ന് വ്യക്തമായതും ഇവരെ പിന്തുടര്‍ന്നെത്തിയ പൊലീസ് കൊരട്ടിയില്‍ നിന്ന് കുട്ടിയെ കണ്ടെത്തിയതും. റിങ്കിയുടെ സുഹൃത്തായ ആസാം സ്വദേശി റാഷിദുല്‍ ഹഖും പിടിയിലായിട്ടുണ്ട്. കുട്ടിയെ ആസാമിലേക്ക് കൊണ്ടു പോവുകയായിരുന്നു ലക്ഷ്യമെന്ന് പ്രതികള്‍ പൊലീസിനോട് പറഞ്ഞു. പ്രതികളെ കോടതി രണ്ടാഴ്ചത്തേക്ക് റിമാന്‍ഡ് ചെയ്തു.
