ബെംഗളൂരു: കെ.ആർ. പുരം-വൈറ്റ്ഫീൽഡ് മെട്രോ പാതയിലെ സീതാറാംപാളയ സ്റ്റേഷനിലേക്ക് ഫീഡർ ബസ് സർവീസ് ആരംഭിച്ച് .ടി. ടെക് പാർക്കായ ബാഗ്മനെ സൊലേറിയം സിറ്റി. കുന്ദലഹള്ളിയിലെ ഐ.ടി. പാർക്കിൽ ജോലിചെയ്യുന്ന ഒട്ടേറെ ജീവനക്കാർക്ക് ഈ ബസ് സർവീസ് പ്രയോജനപ്പെടും.
തിരക്കുള്ളസമയങ്ങളിൽ ഓരോ പത്തുമിനിറ്റ് ഇടവിട്ട് മെട്രോ സ്റ്റേഷനിലേക്ക് ബസ് സർവീസ് ഉണ്ടാകും. സി.വി. രാമൻനഗറിലെ ഐ.ടി. പാർക്കിൽനിന്ന് ബൈയപ്പനഹള്ളി മെട്രോ സ്റ്റേഷനിലേക്ക് ഫീഡർ സർവീസ് ആരംഭിച്ചത് വിജയമായതിനെത്തുടർന്നാണ് സീതാറാംപാളയ സ്റ്റേഷനിലേക്കും ഫീഡർ സർവീസ് ആരംഭിച്ചത്.
