ബെംഗളൂരു: മുഖ്യമന്ത്രി ബസവരാജ് ബൊമ്മക്ക് ഒരു നൂതന പരീക്ഷണത്തിന് വഴിയൊരുക്കി കർണാടകയിലെ മൂന്ന് പ്രധാന നഗരസഭകളിൽ ഉടൻ തിരഞ്ഞെടുപ്പ് വരുന്നു.
ഹുബ്ബള്ളി-ധാർവാഡ്, ബെലഗാവി, കലബുറഗി തുടങ്ങിയ നഗരസഭകളിലാണ് കർണാടക സംസ്ഥാന തിരഞ്ഞെടുപ്പ കമ്മിഷൻ തിരഞ്ഞെടുപ്പ് പ്രഖ്യാപിച്ചത്. അടുത്ത മാസം മൂന്നാം തിയതിയാണ് തിരഞ്ഞെടുപ്പ്. ആറാം തിയതി തിരഞ്ഞെടുപ്പ് ഫലം പ്രഖ്യാപിക്കും.
കോവിഡ് മഹാമാരി കാരണം ഏതാനും മാസങ്ങൾക്കു മുമ്പേ നടക്കേണ്ട തിരഞ്ഞെടുപ്പിനാണ് ഇപ്പോൾ അവസരമൊരുങ്ങിയിരിക്കുന്നത്.
നഗരസഭകളിലെ തിരഞ്ഞെടുപ്പ് ഫലം സർക്കാരിനെ നേരിട്ടുബാധിക്കുകയില്ലെങ്കിലും ബസവരാജ് ബൊമ്മ മുഖ്യമന്ത്രിയായ ശേഷമുള്ള ആദ്യത്തെ തിരഞ്ഞെടുപ്പാണെന്ന പ്രത്യേകത ഇത്തവണയുണ്ട്
