പോലീസിന്റെ കണ്ണുവെട്ടിക്കാൻ ഇന്റർനെറ്റിന്റെ സാധ്യതകള്‍ ഉപയോഗിച്ച്‌ ലഹരി സംഘങ്ങള്‍. വിപിഎൻ ആപ്പുകള്‍ ഉപയോഗിച്ചാണ് പുതിയ കച്ചവടംഅന്വേഷണ ഏജൻസികള്‍ക്ക് പെട്ടെന്ന് ട്രാക്ക് ചെയ്യാൻ പറ്റാത്തതാണ് വിപിഎൻ ആപ്പുകള്‍ വ്യാപകമാക്കാൻ കാരണം. അറസ്റ്റുകള്‍ കൂടിയ സാഹചര്യത്തിലാണ് ഇൻറർനെറ്റിന്റെ ദുരുപയോഗ സാധ്യത തേടുന്നത്.
വി പി എൻ ഉപയോഗിക്കുന്ന നിരവധി ആപ്പുകള്‍ ലഹരിക്കച്ചവടക്കാർ ഉപയോഗിക്കുന്നു. അറസ്റ്റ് ചെയ്തു പിടികൂടിയ ലഹരി കച്ചവടക്കാരുടെ ഫോണിലാണ് ഈ വിവരങ്ങള്‍ ലഭിച്ചത്. ബെംഗളൂരുവില്‍ നിന്ന് ലഹരി കടത്താൻ ഉപയോഗിക്കുന്നതും വിപിഎൻ ഫോണ്‍വിളികള്‍ വഴിയാണ്. സ്ഥിരം ലഹരി കച്ചവടക്കാർ നിർജീവമായതോടെ പോലീസ് നടത്തിയ അന്വേഷണത്തിലാണ് പുതിയ വിവരങ്ങള്‍ കണ്ടെത്തിയത്.അതേസമയം സംസ്ഥാനത്ത് കഞ്ചാവ് മിഠായികള്‍ വ്യാപകമാകുന്നു. മറ്റ് സംസ്ഥാനങ്ങളില്‍ നിന്ന് കൊണ്ടുവന്നാണ് കഞ്ചാവ് മിഠായികള്‍ കേരളത്തില്‍ വിതരണം ചെയ്യുന്നത്.സ്കൂള്‍, കോളേജ് പരിസരമാണ് ലഹരി സംഘങ്ങളുടെ കേന്ദ്രം. പരിശോധന ശക്തമാക്കിയെന്ന് കോട്ടയം എക്സൈസ് ഇൻസ്പെക്ടർ എ അഖില്‍ ട്വന്റിഫോറിനോട് പറഞ്ഞു.
