മംഗളൂരു: കഴിഞ്ഞ കുറച്ച് ദിവസങ്ങളായി ജില്ലയിൽ പെയ്യുന്ന കനത്ത മഴയിൽ ബജ്പെയിലെ മറവൂർ പാലത്തിന് സമീപം റോഡിൽ വിള്ളലുകൾ വീണത് പൊതുജനങ്ങളിൽ ആശങ്ക പരത്തി.
മംഗളൂരു രാജ്യാന്തര വിമാനത്താവളവുമായി ബന്ധിപ്പിക്കുന്ന റോഡിന്റെയും പാലത്തിന്റെയും തൊട്ടടുത്ത പോയിന്റിൽ വലതു മൂലയിൽ വിള്ളലുകൾ ദൃശ്യമാണ്. കഴിഞ്ഞ വർഷവും പാലത്തിൽ വിള്ളലുകൾ ഉണ്ടായതിനെ തുടർന്ന് വാഹനഗതാഗതം അടച്ചിട്ടിരുന്നു.
അതിനിടെ, കെഞ്ചാർ ശ്രീദേവി കോളേജിന് സമീപം ഉരുൾപൊട്ടലുണ്ടായി.നിലവിൽ വൺവേ ഗതാഗതം മാത്രമാണ് പാലത്തിലൂടെയുള്ളത്, അറ്റകുറ്റപ്പണികൾ പുരോഗമിക്കുകയാണ്.
കോവിഡ് രോഗികള് ഒരുലക്ഷം കടന്നു; ഇന്നലെ 18,000ന് മുകളില്; മരണം 39
ന്യൂഡല്ഹി: രാജ്യത്ത് പ്രതിദിന കോവിഡ് കേസുകള് വര്ധിക്കുന്നു. ഇന്നലെ പതിനെട്ടായിരത്തിലധികം പേര്ക്കാണ് കോവിഡ് സ്ഥിരീകരിച്ചത്. നിലവില് സജീവ കോവിഡ് രോഗികളുടെ എണ്ണം ഒരുലക്ഷം കടന്നു. 122 ദിവസത്തിന് ശേഷമാണ് വൈറസ് ബാധിതരുടെ എണ്ണം ഒരുലക്ഷം കടന്നത്.
24 മണിക്കൂറിനിടെ 18,819 പേരാണ് പുതിയ രോഗികള്. 39 പേര് മരിച്ചു. ഇതോടെ കോവിഡ് ബാധിച്ച് മരിച്ചവരുടെ എണ്ണം 5,25,116 ആയി. സജീവകേസുകള് 1,04,555 ആണ്. 13, 827 പേര് രോഗമുക്തി നേടി.
കഴിഞ്ഞ ദിവസത്തേതില് നിന്നും രോഗികളുടെ എണ്ണത്തില് 4,953 ആണ് വര്ധന. ടെസ്റ്റ് പോസിറ്റിവിറ്റി നിരക്ക് 4.16 ശതമാനമാണ്. രാജ്യത്തെ ഭൂരിഭാഗം രോഗികള് കേരളത്തിലും മഹാരാഷ്ട്രയിലുമാണ്. ഇന്നലെ കേരളത്തില് 4,500ലധികം പേര്ക്കാണ് രോഗം കണ്ടെത്തിയത്. മഹാരാഷ്ട്രയില് 3,500ലധികമാണ് പ്രതിദിനരോഗികളുടെ എണ്ണം.
