ബംഗളുരു: അപ്രതീക്ഷിതമായി വീടിനുള്ളില്‍ കയറിയ പുലിയെ പിടിക്കാൻ വനം വകുപ്പ് ഉദ്യോഗസ്ഥർ കഷ്ടപ്പെട്ടത് അഞ്ച് മണിക്കൂർ.കർണാടകയില്‍ ബംഗളുരുവിന് സമീപം ജിഗാനിയില്‍ കഴിഞ്ഞ ദിവസമായിരുന്നു നാടകീയ സംഭവങ്ങള്‍ നടന്നത്. വീട്ടില്‍ പുലി കയറിയത് കണ്ട് വീട് പൂട്ടി പുറത്തിറങ്ങിയ ദമ്ബതികള്‍ വനം വകുപ്പ് അധികൃതരെ വിവരം അറിയിക്കുകയായിരുന്നു.കുണ്ട്ലു റെഡ്ഡി ലേഔട്ടിലെ വീട്ടില്‍ താമസിച്ചിരുന്ന വെങ്കിടേഷ്, വെങ്കടലക്ഷ്മി എന്നിവർ രാവിലെ വീട്ടിലെ ഹാളില്‍ ടിവിക്ക് മുന്നിലിരുന്ന് കാപ്പി കുടിക്കുന്നതിനിടെയാണ് മുൻവശത്തെ വാതിലിലൂടെ ഒരു പുലി വീടിനകത്തേക്ക് കയറിയത്.
കാലിന് പരിക്കേറ്റ ശേഷം വിശ്രമത്തിലായിരുന്നു വെങ്കിടേഷ്. മൂന്ന് നിലകളുള്ള കെട്ടിടത്തിന്റെ താഴത്തെ നിലയിലെ വീട്ടിലേക്ക് കയറിയ പുലി ഒരു മുറിയുടെ അകത്തേക്ക് കയറിപ്പോയി. കാഴ്ചകണ്ട് ഞെട്ടിയ ഇരുവരും ബഹളമുണ്ടാക്കാതെയും മനഃസാന്നിദ്ധ്യം കൈവിടാതെയും സെക്കന്റുകള്‍ക്കുള്ളില്‍ വീടിന് പുറത്തിറങ്ങി, വീട് പുറത്തുനിന്ന് പൂട്ടി.രാവിലെ 7.30 ആയിരുന്നു അപ്പോള്‍ സമയം. നാട്ടുകാരെ വിവരമറിയിച്ചപ്പോള്‍ എല്ലാവർക്കും ഞെട്ടല്‍, രണ്ട് കിലോമീറ്റർ പരിധിയിലെങ്ങും കാട് പോലുമില്ലാത്ത സ്ഥലത്തെ വീടിനകത്ത് പുലി കയറിയെന്ന വാർത്ത വിശ്വസിക്കാനാവാതെ വനം വകുപ്പ് ഉദ്യോഗസ്ഥരെ വിവരമറിയിച്ചു.
അര മണിക്കൂറിനുള്ളില്‍ വനം വകുപ്പുകാർ സന്നാഹങ്ങളുമായെത്തി. പ്രത്യേക ടാസ്ക് ഫോഴ്സ് ഉദ്യോഗസ്ഥരും പിന്നാലെയെത്തി. എന്നാല്‍ ചുറ്റും കെട്ടിടങ്ങളുള്ള ഒരു പ്രദേശത്തെ വീടിനകത്ത് കയറിപ്പോയ പുലിയെ എങ്ങനെ പുറത്തിറക്കി കൂട്ടിലാക്കുമെന്നറിയാതെ ഉദ്യോഗസ്ഥർ കുഴങ്ങി. പുലി എവിടെയാണ് കയറിയിരിക്കുന്നതെന്ന് അറിയാത്തതായിരുന്നു പ്രധാന പ്രശ്നം.വീടിന്റെ രൂപരേഖയൊക്കെ തയ്യാറാക്കിയ ശേഷം പുറത്തുനിന്ന് പരിശോധന തുടങ്ങി. ഒടുവില്‍ നീളമുള്ള വടിയില്‍ മൊബൈല്‍ ഫോണ്‍ കെട്ടിവെച്ച്‌ വീഡിയോ കോള്‍ വിളിച്ച്‌ മറ്റൊരു ഫോണിലൂടെ വീഡിയോ പരിശോധിച്ച്‌ തെരച്ചില്‍ തുടങ്ങി. ഓരോ മുറിയിലും മൊബൈല്‍ ക്യാമറ ഇങ്ങനെ കടത്തിവെച്ച്‌ പരിശോധിച്ചു. അര മണിക്കൂർ നീണ്ട പരിശോധനയ്ക്കൊടുവില്‍ ഒരു മുറിയിലെ കട്ടിലിനടിയില്‍ കണ്ണുകള്‍ കണ്ട് പുലി അവിടെയാണെന്ന് ഉറപ്പിച്ചു.
ആറോ ഏഴോ വയസ് പ്രായമുള്ള പെണ്‍പുലിയാണ് വീടിനകത്ത് കയറിയത്. പുലി മുറിയില്‍ തന്നെയാണെന്ന് ഉറപ്പിച്ച ശേഷം ഉദ്യോഗസ്ഥർ മുൻ വാതിലിലൂടെ അകത്ത് കയറി. വാതില്‍ പുറത്തു നിന്ന് പൂട്ടി. ശേഷം മുറിയുടെ വാതിലിലെ ചെറിയ വിടവിലൂടെ മയക്കുവെടി വെയ്ക്കുകയായിരുന്നു. വെടിയേറ്റ പുലി മയങ്ങി പിന്നീട് അനക്കമില്ലാതായി. ശേഷം മുറിയില്‍ കയറി പുലിയെ പിടികൂടി കൂട്ടിലാക്കുകയായിരുന്നു. രണ്ടായിരത്തോളം പേരാണ് സമീപത്തെ കെട്ടിടങ്ങള്‍ക്ക് മുകളിലും മറ്റുമായി ഈ സമയം തടിച്ചുകൂടിയതെന്ന് വനം വകുപ്പ് ഉദ്യോഗസ്ഥർ പറഞ്ഞു. 12.30ഓടെ പുലിയെ കൂട്ടിലടച്ച്‌ ഓപ്പറേഷൻ അവസാനിപ്പിച്ചു.
യുവതികള്‍ക്ക് ഓഫര്‍ ചെയ്യുന്നത് വിദേശത്ത് ജോലിയും രണ്ട് ലക്ഷം ശമ്ബളവും; എത്തിപ്പെടുന്നത് സെക്സ് റാക്കറ്റില്‍
രണ്ട് ലക്ഷം മാസ ശമ്ബളത്തോടെ ഹോങ്കോംഗില്‍ ജോലി വാഗ്ദാനം. എന്നാല്‍, എത്തിച്ചത് ബാങ്കോക്കിലെ ഓണ്‍ലൈന്‍ സെക്സ് റാക്കറ്റില്‍.ഇടപ്പള്ളിയിലെ റിക്രൂട്ട്മെന്റ് ഏജന്‍സിയുടെ ചതിയില്‍പ്പെട്ട മലയാളി യുവാക്കള്‍ക്ക് വിദേശത്ത് നേരിടേണ്ടിവന്നത് അതിക്രൂര മര്‍ദ്ദനവും മാനസിക പീഡനവും.മാസങ്ങളോളം ദുരിതമനുഭവിച്ച യുവാക്കള്‍ രക്ഷപ്പെട്ടത് ഒന്നര ലക്ഷം രൂപയും സ്വര്‍ണമോതിരവും വരെ മോചനദ്രവ്യം നല്‍കി. സംഭവത്തില്‍ പൊലീസ് അന്വേഷണം തുടങ്ങി. പെരുമ്ബാവൂര്‍, ആലുവ, എറണാകുളം സ്വദേശികളുടെ പരാതിയിലാണ് അന്വേഷണം.
ഇവരെക്കൂടാതെ രണ്ടുപേര്‍ കൂടി ചതിയില്‍പ്പെട്ടിട്ടുണ്ട്. കോടതി നിര്‍ദ്ദേശപ്രകാരം കഴിഞ്ഞ ദിവസമാണ് പൊലീസ് റിക്രൂട്ട്മെന്റ് ഏജന്‍സി ഉടമയും ജീവനക്കാരുമടക്കം ആറുപേരെ പ്രതിചേര്‍ത്ത് കേസെടുത്തത്.കഴിഞ്ഞവര്‍ഷം മേയിലാണ് യുവാക്കളെ ബാങ്കോക്കില്‍ എത്തിച്ചത്. ഹോങ്കോംഗിലും ന്യൂസിലാന്‍ഡിലും വെയര്‍ഹൗസ് അസിസ്റ്റന്‍ഡ് ജോലി വാഗ്ദാനം ചെയ്തതാണ് യുവാക്കളെ വീഴ്ത്തിയത്. പ്രതിമാസം രണ്ടു ലക്ഷം രൂപയ്ക്ക് ഓവര്‍ ടൈം എടുത്ത് മൂന്നു ലക്ഷം വരെ സമ്ബാദിക്കാമെന്നും പറഞ്ഞു പറ്റിച്ചു. ഒരാളില്‍ നിന്ന് ഒന്‍പതു മുതല്‍ ഏഴേ മുക്കാല്‍ ലക്ഷം വീതം കൈക്കലാക്കി.കേസിലെ മൂന്നും നാലും പ്രതികളാണ് യുവാക്കളെ ബാങ്കോക്കില്‍ എത്തിച്ചത്.
ഹോങ്കോംഗിലേക്കും ന്യൂസിലാന്‍ഡിലേക്കും പോകുന്നതിന് നിയമതടസമുണ്ടെന്നും ബാങ്കോക്കില്‍ ഇതേ ജോലി തരപ്പെടുത്തി നല്‍കാമെന്നും വിശ്വസിപ്പിച്ച്‌ സെക്സ് റാക്കറ്റിന് യുവാക്കളെ കൈമാറുകയായിരുന്നു. റാക്കറ്റിന് വേണ്ടി ജോലി ചെയ്യാന്‍ വിസമ്മതിച്ചതോടെ ക്രൂരമായി തല്ലിച്ചതച്ചു.ഇവരുടെ നഗ്‌നചിത്രങ്ങളും റാക്കറ്റ് പകര്‍ത്തി. ഇവ ബന്ധുക്കള്‍ക്ക് കൈമാറുമെന്നും ഭീഷണിപ്പെടുത്തി. ഗത്യന്തരമില്ലാതെ വന്നതോടെ മോചനദ്രവ്യം നല്‍കാന്‍ ഇവര്‍ തയ്യാറായത്. ഏതാനും മാസം മുമ്ബ് ഇവര്‍ നാട്ടിലെത്തിയെങ്കിലും നേരിട്ട ദുരിതം ഇവര്‍ പുറത്തുപറഞ്ഞിരുന്നില്ല. റിക്രൂട്ട്മെന്റ് ഏജന്‍സി പണം തിരികെ നല്‍കാതിരുന്നതോടെ കോടതിയെ സമീപിക്കുകയായിരുന്നു.
