പുതുവത്സരത്തിൽ സന്തോഷ വാർത്ത ;എൽപിജി സിലിണ്ടറിന് വില കുറച്ചു

പുതുവര്‍ഷത്തില്‍ ഇന്ത്യന്‍ ഓയില്‍ (Indian Oil) ജനങ്ങള്‍ക്കായി ഒരു അടിപൊളി സമ്മാനം നല്‍കിയിരിക്കുകയാണ്. അതായത് വാണിജ്യ എല്‍പിജി സിലിണ്ടറിന്റെ വിലയില (Commercial LPG Cylinder Rates) 100 രൂപ കുറയ്ക്കാന്‍ ഇന്ത്യന്‍ ഓയില്‍ തീരുമാനിച്ചു

ഈ വാര്‍ത്ത ജനങ്ങള്‍ക്ക് വലിയ ആശ്വാസമാകും എന്നതില്‍ സംശയമില്ല. അതേസമയം ഗാര്‍ഹിക എല്‍പിജി സിലിണ്ടര്‍ (LPG) നിരക്കില്‍ (Domestic LPG Cylinder Rates) മാറ്റമൊന്നും വരുത്തിയിട്ടില്ല.

ഡിസംബര്‍ മാസത്തിന്റെ തുടക്കത്തില്‍ വാണിജ്യ എല്‍പിജി സിലിണ്ടറുകളുടെ (Commercial LPG Cylinder) വില വര്‍ധിപ്പിച്ചിരുന്നു. അതുപോലെ ഡിസംബറില്‍ പാചകവാതക സിലിണ്ടറിനും (LPG Cylinder) 100 രൂപ വര്‍ധിപ്പിച്ചിരുന്നു.

എന്നാല്‍ ഗാര്‍ഹിക പാചകവാതക സിലിണ്ടറിന്റെ വിലയില്‍ അന്നും മാറ്റമുണ്ടായില്ല എന്നത് ജനങ്ങള്‍ക്ക് ആശ്വാസമായിരുന്നു. അതുപോലെ ഇപ്പോള്‍ വാണിജ്യ സിലിണ്ടറുകളുടെ വിലയിലുണ്ടായ കുറവ് റസ്റ്റോറന്റ് ഉടമകള്‍ക്ക് ആശ്വാസമായിട്ടുണ്ട്

വാണിജ്യ എല്‍പിജി സിലിണ്ടറിന് ഇത്രയും വിലയുണ്ട് (Commercial LPG cylinder cost so much)

100 രൂപ കുറച്ചതിന് ശേഷം ഡല്‍ഹിയില്‍ 19 കിലോഗ്രാം വാണിജ്യ എല്‍പിജി സിലിണ്ടറിന്റെ വില 2001 രൂപയായി ഉയര്‍ന്നിരിക്കുകയാണ്. അതേ സമയം കൊല്‍ക്കത്തയില്‍ വാണിജ്യാവശ്യത്തിനുള്ള എല്‍പിജി സിലിണ്ടറിന്റെ വില 2077 രൂപയായി ഉയര്‍ന്നിരിക്കുകയാണ്. മുംബൈയില്‍ 19 കിലോഗ്രാം വാണിജ്യ എല്‍പിജി സിലിണ്ടറിന്റെ വില 1951 രൂപയായി ഉയര്‍ന്നു.

ഗാര്‍ഹിക പാചകവാതക സിലിണ്ടറിന്റെ വിലയില്‍ മാറ്റമില്ല (No change in the price of domestic LPG cylinder)

ഗാര്‍ഹിക സിലിണ്ടറുകളുടെ വിലയില്‍ ഇത്തവണയും മാറ്റമില്ല. ഒക്ടോബറിലാണ് അവസാനമായി ഗാര്‍ഹിക പാചകവാതക സിലിണ്ടറുകളുടെ വില വര്‍ധിപ്പിച്ചത്. സബ്‌സിഡിയില്ലാത്ത 14.2 കിലോ ഗാര്‍ഹിക എല്‍പിജി സിലിണ്ടറിന് ഡല്‍ഹിയിലും മുംബൈയിലും 899.50 രൂപയാണ് വില. അതേ സമയം, കൊല്‍ക്കത്തയില്‍ അതിന്റെ വില 926 രൂപയും ചെന്നൈയില്‍ 14.2 കിലോഗ്രാം ഗാര്‍ഹിക എല്‍പിജി സിലിണ്ടര്‍ 915.50 രൂപയുമാണ്.

നിങ്ങളുടെ നഗരത്തിലെ എല്‍പിജി സിലിണ്ടര്‍ വില എങ്ങനെ പരിശോധിക്കാം (How to check LPG cylinder price in your city)

നിങ്ങള്‍ക്ക് നിങ്ങളുടെ നഗരത്തിലെ ഗ്യാസ് സിലിണ്ടറുകളുടെ പുതിയ വില അറിയണമെങ്കില്‍ സര്‍ക്കാര്‍ എണ്ണ കമ്ബനിയുടെ ഔദ്യോഗിക വെബ്‌സൈറ്റില്‍ നിങ്ങള്‍ക്കത് പരിശോധിക്കാം. ഇതിനായി നിങ്ങള്‍ IOCL വെബ്‌സൈറ്റിൽ പരിശോധിക്കാം. ശേഷം വെബ്‌സൈറ്റില്‍ സംസ്ഥാനം, ജില്ല, വിതരണക്കാരന്‍ എന്നിവ തിരഞ്ഞെടുത്ത് സര്‍ച്ച്‌ ഓപ്ഷനില്‍ ക്ലിക്കുചെയ്യുക. ഇതിനുശേഷം ഗ്യാസ് സിലിണ്ടറുകളുടെ വില നിങ്ങളുടെ മുന്നിലെത്തും.