ഓണ്‍ലൈൻ ഷോപ്പിംഗിലെ വിശ്വാസ്യതയെ ചോദ്യം ചെയ്യുന്ന ഗുരുതരമായ ഒരു സംഭവം ബെംഗളൂരില്‍ റിപ്പോർട്ട് ചെയ്‌തിരിക്കുന്നു.1.87 ലക്ഷം രൂപ വിലമതിക്കുന്ന ഒരു അത്യാധുനിക സ്മാർട്ട്‌ഫോണിന് ഓർഡർ നല്‍കിയ ഉപഭോക്താവിന് ഡെലിവറി ചെയ്ത പാക്കേജില്‍ ലഭിച്ചത് ഒരു ടൈല്‍ കഷണം മാത്രം.ബെംഗളൂരില്‍ ഒരു ടെക് കമ്ബനിയില്‍ ജോലി ചെയ്യുന്ന പ്രേമാനന്ദ് എന്ന യുവാവാണ് ഇത്തരത്തിലൊരു വലിയ തട്ടിപ്പിന് ഇരയായത്. കഴിഞ്ഞ ഒക്ടോബർ 14-നാണ് പ്രമുഖ സ്ഥാപനമായ ആമസോണിൻ്റെ ആപ്പ് വഴി പ്രേമാനന്ദ് ഒരു സാംസങ് ഗാലക്സി ഇസഡ് ഫോള്‍ഡ് 7 എന്ന സ്മാർട്ട്‌ഫോണിന് ഓർഡർ നല്‍കിയത്.
ഫോണിൻ്റെ മുഴുവൻ തുകയായ 1,87,000 രൂപയും അദ്ദേഹം തൻ്റെ ക്രെഡിറ്റ് കാർഡ് മുഖേന മുൻകൂട്ടി അടച്ചിരുന്നു. ഓണ്‍ലൈൻ പ്ലാറ്റ്‌ഫോമുകള്‍ വഴി വിലകൂടിയ ഉല്‍പ്പന്നങ്ങള്‍ വാങ്ങുമ്ബോള്‍ ഉപഭോക്താക്കള്‍ പുലർത്തേണ്ട ജാഗ്രതയുടെ പ്രാധാന്യം വെളിപ്പെടുത്തുന്നതായിരുന്നു ഒക്ടോബർ 19-ന് ഡെലിവറി ലഭിച്ചതിന് ശേഷമുള്ള സംഭവം.’അണ്‍ബോക്‌സിംഗ്’ വീഡിയോ പകർത്തിയത് രക്ഷയായിദീപാവലിക്ക് തലേ ദിവസമാണ് പ്രേമാനന്ദിന് ഫോണ്‍ അടങ്ങിയ പാക്കേജ് ഡെലിവറി ചെയ്തത്. പാക്കേജ് തുറക്കുന്നതിന് മുൻപ് തന്നെ, ഓണ്‍ലൈൻ തട്ടിപ്പുകള്‍ സംബന്ധിച്ച മുന്നറിയിപ്പുകള്‍ ഓർമ്മയില്‍ വന്നതിനാലാകണം, അദ്ദേഹം അണ്‍ബോക്‌സിംഗ് പൂർണ്ണമായും മൊബൈലില്‍ വീഡിയോ ആയി പകർത്തി.
ഈ മുൻകരുതല്‍ നടപടിയാണ് പിന്നീട് തൻ്റെ പരാതിക്ക് ഏറ്റവും നിർണായകമായ തെളിവായി മാറിയത്. പാക്കേജ് തുറന്നപ്പോള്‍ പ്രേമാനന്ദ് അക്ഷരാർത്ഥത്തില്‍ ഞെട്ടിപ്പോയി. ലക്ഷങ്ങള്‍ വിലമതിക്കുന്ന പുതിയ സ്മാർട്ട്‌ഫോണിന് പകരം, ഭാരം ക്രമീകരിക്കുന്നതിനായി വെച്ച ഒരു സാധാരണ ടൈലിൻ്റെ കഷണം മാത്രമായിരുന്നു ആമസോണ്‍ ബോക്‌സിനുള്ളില്‍ ഉണ്ടായിരുന്നത്.
ഈ നിരാശാജനകമായ അനുഭവം പ്രേമാനന്ദ് നാഷണല്‍ സൈബർ ക്രൈം റിപ്പോർട്ടിംഗ് പോർട്ടലില്‍ ഉടൻതന്നെ റിപ്പോർട്ട് ചെയ്യുകയും തുടർന്ന് അടുത്തുള്ള പോലീസ് സ്റ്റേഷനെ സമീപിക്കുകയും ചെയ്‌തു. പാക്കറ്റ് തുറക്കുന്നതിൻ്റെ വീഡിയോ തെളിവായി നല്‍കിയതിൻ്റെ അടിസ്ഥാനത്തില്‍ പോലീസ് എഫ്‌ഐആർ രജിസ്റ്റർ ചെയ്യുകയും കേസ് അന്വേഷണം ആരംഭിക്കുകയും ചെയ്‌തു.കേസ് അന്വേഷണം പുരോഗമിക്കുന്നതിനിടെ, ആമസോണ്‍ അധികൃതർ പ്രേമാനന്ദിനെ ബന്ധപ്പെടുകയും തട്ടിയെടുക്കപ്പെട്ട മുഴുവൻ തുകയും തിരികെ നല്‍കാൻ തയ്യാറാവുകയും ചെയ്‌തു. 1.87 ലക്ഷം രൂപ പൂർണ്ണമായി.
ഈ അനുഭവം എന്നെ സംബന്ധിച്ചിടത്തോളം വളരെ നിരാശാജനകമാണ്. ഓണ്‍ലൈൻ ഷോപ്പിംഗ് നടത്തുമ്ബോള്‍, പ്രത്യേകിച്ച്‌ ആമസോണ്‍ പോലുള്ള പ്ലാറ്റ്‌ഫോമുകളില്‍, എല്ലാവരും അതീവ ജാഗ്രത പാലിക്കണമെന്ന് ഞാൻ അഭ്യർത്ഥിക്കുന്നു,’ പ്രേമാനന്ദ് പറഞ്ഞു. വിലകൂടിയ സാധനങ്ങള്‍ വാങ്ങുമ്ബോള്‍ പാക്കേജ് കൈപ്പറ്റുന്നത് മുതല്‍ തുറക്കുന്നത് വരെയുള്ള ദൃശ്യങ്ങള്‍ വീഡിയോയില്‍ പകർത്തുന്നത് തട്ടിപ്പുകള്‍ ഒഴിവാക്കാൻ സഹായിക്കുമെന്നും അദ്ദേഹം കൂട്ടിച്ചേർത്തു.വലിയ തോതിലുള്ള ഈ ഓണ്‍ലെെൻ തട്ടിപ്പ് പുറത്തായതോടെ, ഓണ്‍ലൈൻ ഇടപാടുകളില്‍ ഉപഭോക്താക്കള്‍ പുലർത്തേണ്ട ശ്രദ്ധയുടെ പ്രാധാന്യം ഒരിക്കല്‍ കൂടി വ്യക്തമാവുകയാണ്.
