ബെംഗളൂരു: ഐടി നഗരമായ ബെംഗളൂരുവിൻ്റെ ബിസിനസ് ഹബ്ബായി ഉയർത്തിക്കൊണ്ടുവന്ന ബെംഗളൂരു സിഗ്നേച്ചർ ബിസിനസ് പാർക്ക് (ബിഎസ്ബിപി) പദ്ധതിക്ക് വർഷങ്ങൾക്ക് ശേഷം വീണ്ടും ജീവൻ വെക്കുന്നു. ദിവസവും പതിനായിരക്കണക്കിന് യാത്രക്കാർ കടന്നുപോകുന്ന കെംപഗൗഡ ഇൻ്റർനാഷണൽ എയർപോർട്ടിന് (കെഐഎ) സമീപം 407 ഏക്കർ ഭൂമിയാണ് പദ്ധതിക്കായി കണ്ടെത്തിയത്.കർണാടകയിലെ ബെംഗളൂരു ജില്ലയിലെ ദേവനഹള്ളിയിൽ 407.08 ഏക്കർ ഭൂമിയിലാണ് അത്യാധൂനിക ബെംഗളൂരു സിഗ്നേച്ചർ ബിസിനസ് പാർക്ക് പൂർത്തിയാക്കാൻ ലക്ഷ്യമിട്ടിരുന്നത്.
505 കോടി രൂപയായിരുന്നു ആദ്യഘട്ടത്തിൽ പദ്ധതിച്ചെലവായി കണക്കാക്കിയിരുന്നത്. ബെംഗളൂരുവിലെ ഗവേഷണ – വികസനത്തിനും നവീകരണത്തിനുമുള്ള ഇടമായിട്ടാണ് ബിസിനസ് പാർക്കിനെ കണക്കാക്കുന്നത്.കർണാടക സ്റ്റേറ്റ് ഇൻഡസ്ട്രിയൽ ആൻഡ് ഇൻഫ്രാസ്ട്രക്ചർ ഡെവലപ്‌മെൻ്റ് കോർപറേഷൻ (കെഎസ്ഐഐഡിസി) ആണ് പദ്ധതിയുമായി മുന്നോട്ടുവന്നത്. 2008ൽ നിർദേശിച്ച ബിഎസ്ബിപി പദ്ധതിക്കായി 2018ൽ തറക്കല്ലിട്ടു. ബെംഗളൂരു നഗരത്തിൽ ഒരു വൻ ബിസിനസ് ഹബ്ബ് എന്നതായിരുന്നു പദ്ധതിയുടെ ലക്ഷ്യം. എന്നാൽ നിക്ഷേപകരുടെ താൽപ്പര്യക്കുറവും സാമ്പത്തിക പ്രശ്നവും മൂലം ബിഎസ്ബിപി പദ്ധതി പാതിവഴിയിൽ അവസാനിച്ചു.
കണക്റ്റിവ്റ്റിയാണ് നിക്ഷേപകർ ചൂണ്ടിക്കാണിച്ച പ്രധാന പ്രശ്നങ്ങളിലൊന്ന്. ഈ പദ്ധതിക്കാണ് ഇപ്പോൾ വീണ്ടും ജീവൻ വെക്കുന്നത്. ബിഎസ്ബിപി പദ്ധതിക്കായി ടെണ്ടറുകൾ ക്ഷണിക്കുകയാണ്. ടെൻണ്ടർ നടപടികളുമായി ബന്ധപ്പെട്ട കൂടുതൽ വിവരങ്ങൾ പുറത്തുവന്നിട്ടില്ല.
34 ഏക്കറിൽ 6,000 പേർക്ക് ഇരിക്കാവുന്ന കൺവെൻഷൻ സെൻ്ററിന് പുറമെ 247.13 ഏക്കറിൽ മ്യൂസിയം – ഗവേഷണ കേന്ദ്രങ്ങൾ എന്നിവയും പദ്ധതിയുടെ ഭാഗമായിരുന്നു. കോർപറേറ്റ് ഓഫീസുകൾ, പാർക്കുകൾ, മൾട്ടിപ്ലക്സ് മാളുകൾ, കോർപറേറ്റ് പാർക്കുകൾ, ക്ലബ്ബുകൾ എന്നിങ്ങനെയുള്ള വൻ ബിസിനസ് സൗകര്യങ്ങൾ, മീഡയ സെൻ്റർ, ഓഫീസുകൾ, ആട്സ് – ക്രാഫ്റ്റ് സെൻ്ററുകൾ, കൾച്ചറൽ മ്യൂസിയം, ഡിസൈൻ എക്സ്പീരിയൻസ് സെൻ്റർ, കൺവെൻഷൻ സെൻ്ററുകൾ, വാണിജ്യ ഓഫീസ് സ്ഥലങ്ങൾ, ബിസിനസ് പാർക്കുകൾ, ആർ ആൻഡ് ഡി ഓഫീസുകൾ, റീട്ടെയിൽ സൗകര്യങ്ങൾ, ഗവേഷണ – വികസന കേന്ദ്രങ്ങൾ, വിവിധ തരത്തിലുള്ള ഓഫീസുകൾ, ബിസിനസ് ഒഫീസുകൾ, പൊതു ഒഫീസുകൾ, മറ്റ് കെട്ടിടങ്ങൾ എന്നീ സൗകര്യങ്ങൾ ഉൾപ്പെടുത്തിയാണ് ബിഎസ്ബിപി രൂപകൽപ്പന ചെയ്തിരുന്നത്.
ബിസിനസ്, കോർപറേറ്റ് ആവശ്യങ്ങൾക്കായി രൂപകൽപ്പന ചെയ്ത സംയോജിത വികസനമായിരിക്കും ബെംഗളൂരു സിഗ്നേച്ചർ ബിസിനസ് പാർക്ക്. പദ്ധതിയുടെ ഭാഗമായി വാണിജ്യ, ഓഫീസ് സ്ഥലങ്ങൾ, ബിസിനസ് പാർക്കുകൾ, ആർ ആൻഡ് ഡി ഓഫീസുകൾ, റീട്ടെയിൽ ഏരിയകൾ എന്നിവ ഉണ്ടായിരിക്കും. ജലവിതരണം, മലിനജലം, റോഡുകൾ, മാലിന്യ സംസ്കരണം എന്നിവയുൾപ്പെടെയുള്ള അടിസ്ഥാന സൗകര്യങ്ങളും മാലിന്യ സംസ്കരണവും ഖരമാലിന്യ നിർമാർജനവും സജ്ജമാക്കും. പദ്ധതി പൂർത്തിയായാൽ പ്രദേശം ബിസിനസ് ഹബ്ബാകുന്നതിനൊപ്പം ആയിരക്കണക്കിനാളുകൾക്ക് തൊഴിൽ ലഭിക്കുമെന്ന പ്രത്യേകതയുമുണ്ട്
