ബെംഗളൂരു: ഡൽഹിയിലെ പാലിക ബസാറിൻ്റെ മാതൃകയിൽ ബെംഗളൂരുവിലെ ആദ്യത്തെ എയർകണ്ടീഷൻ ചെയ്ത ഭൂഗർഭ മാർക്കറ്റായ കൃഷ്ണദേവരായ പാലകെ ബസാർ വെസ്റ്റ്ബെംഗളൂരുവിലെ വിജയനഗറിൽ മുഖ്യമന്ത്രി സിദ്ധരാമയ്യ ഞായറാഴ്ച ഉദ്ഘാടനം ചെയ്തു.
മുകേഷ്, മണിയൻപിള്ള രാജു, ഇടവേള ബാബു, ജയസൂര്യ താരങ്ങൾക്കെതിരെ പീഡന ആരോപണവുമായി നടി മിനു
നഗരത്തിൽ സാധ്യമാകുന്നിടത്തെല്ലാം ഇത്തരം ചന്തകൾ സ്ഥാപിക്കാൻ ബിബിഎംപി ചീഫ് കമ്മീഷണർ തുഷാർ ഗിരി നാഥിനോട് സിദ്ധരാമയ്യ നിർദേശിച്ചു. “ഞാൻ വിജയനഗറിൽ വാടക വീട്ടിലാണ് താമസിച്ചിരുന്നത്, അതിനാൽ ഈ പ്രദേശം എനിക്ക് നന്നായി അറിയാം. ദക്ഷിണേന്ത്യയിൽ ഇത്തരത്തിൽ ഒരു ചന്ത നിലവിലില്ല. എം കൃഷ്ണപ്പ എംഎൽഎയുടെ ആശയത്തിൽ രൂപീകരിച്ച പ്രത്യേക പദ്ധതികളിലൊന്നാണിത്,” അദ്ദേഹം പറഞ്ഞു. തൻ്റെ സർക്കാർ ക്ഷേമപ്രവർത്തനങ്ങൾ ചെയ്യുന്നത് നിർത്തില്ലെന്നും അഞ്ച് ഗ്യാരണ്ടികൾ നിർത്താൻ ഉദ്ദേശിക്കുന്നില്ലെന്നും കൂട്ടിച്ചേർത്തു.
ഇൻഷുറൻസ് തുക കൈക്കലാക്കാൻ സുകുമാര കുറുപ്പ് മോഡൽ കൊലപാതകം; കർണാടക ബിസിനസുകാരൻ അറസ്റ്റിൽ
കച്ചവടക്കാർക്കും പൊതുജനങ്ങൾക്കും മഴ, കാറ്റ്, വെയിൽ എന്നിവയിൽ നിന്ന് സംരക്ഷണം ലഭിക്കുന്നതിന് ഈ ഭൂഗർഭ ചന്ത സഹായകരമാകുമെന്ന് എം.കൃഷ്ണപ്പ എംഎൽഎ പറഞ്ഞു. ഫുട്പാത്ത് കച്ചവടക്കാർക്കെതിരെയുള്ള അനാവശ്യ നടപടിക്കെതിരെയും ഇത് സഹായകരമാണ്.
വിജയനഗർ മെട്രോ സ്റ്റേഷനു സമീപം ബിബിഎംപിയാണ് മാർക്കറ്റ് വികസിപ്പിച്ചത്. ദക്ഷിണേന്ത്യയിലെ ആദ്യത്തെ എസി ഭൂഗർഭ വിപണിയാണിതെന്ന് പാലികെ അവകാശപ്പെട്ടു. 13 കോടിയിലധികം രൂപയാണ് പദ്ധതിക്കായി ചെലവഴിച്ചത്.
