ബംഗളുരു: സ്വകാര്യ നിമിഷങ്ങൾ ഒരുമിച്ച് ചിലവഴിക്കുന്നതിനിടെ പിടിക്കപ്പെട്ടതിനെ തുടർന്ന് 32 കാരിയായ യുവതിയും കാമുകനും ചേർന്ന് ബെംഗളൂരുവിലെ വൈറ്റ്ഫീൽഡ് ഏരിയയിൽ ഭർത്താവിനെ കൊലപ്പെടുത്തി. ഒടുവിൽ അവരെ അറസ്റ്റ് ചെയ്തു.
ഹഗദൂരിൽ താമസിക്കുന്ന ഓട്ടോറിക്ഷ ഡ്രൈവറായ മഹേഷ് (36) ആണ് കൊല്ലപ്പെട്ടത്. ഭാര്യ തേജസ്വിനി, കാമുകൻ ഇന്ദിരാനഗർ സ്വദേശി ഗജേന്ദ്ര ബാബു (34) എന്നിവരാണ് പ്രതികൾ.
വൈറ്റ്ഫീൽഡ് പോലീസ് പറയുന്നതനുസരിച്ച്, ഓഗസ്റ്റ് 9 ന് വൈകുന്നേരം 3.30 നും 4 നും ഇടയിൽ തേജസ്വിനിയും ബാബുവും യുഎസ്ബി കേബിൾ ഉപയോഗിച്ച് മഹേഷിനെ കഴുത്ത് ഞെരിച്ച് കൊലപ്പെടുത്തി. ബോധം നഷ്ടപ്പെട്ടതിനെ തുടർന്ന് അവർ അദ്ദേഹത്തെ ആശുപത്രിയിൽ എത്തിച്ചു, അന്ന് വൈകുന്നേരമാണ് മഹേഷിൻ്റെ മരണത്തെക്കുറിച്ച് പോലീസിന് അറിയിപ്പ് ലഭിച്ചത്.
നിസാര കാര്യങ്ങളുടെ പേരിൽ മഹേഷ് പലപ്പോഴും തന്നോട് വഴക്കിടാറുണ്ടായിരുന്നുവെന്നും വീട്ടിൽ ഉണ്ടായ തർക്കത്തിനിടെ ബോധംകെട്ട് വീഴ്ത്തുകയായിരുന്നുവെന്നുമാണ് തേജസ്വിനി ആദ്യം പോലീസിനോട് പറഞ്ഞത്.എന്നാൽ മഹേഷിൻ്റെ കഴുത്തിൽ കഴുത്ത് ഞെരിച്ചതിൻ്റെ പാടുകൾ പോലീസ് കണ്ടെത്തി. വിശദമായ ചോദ്യം ചെയ്യലിന് ശേഷം തേജസ്വിനിയും ബാബുവും കൊലപാതകം സമ്മതിച്ചതായി പോലീസ് പറഞ്ഞു.
