ലോകോത്തര ടെക് ഭീമനായ ആപ്പിള്, ഇന്ത്യയിലെ പ്രവർത്തനങ്ങള് വിപുലീകരിക്കുന്നതിന്റെ ഭാഗമായി ബെംഗളൂരുവില് 10 വർഷത്തേക്ക് ഒരു വലിയ ഓഫീസ് കെട്ടിടം പാട്ടത്തിനെടുത്തു.ഏകദേശം 1010 കോടി രൂപയാണ് 10 വർഷത്തേക്ക് വാടകയായി നല്കുന്നത്. റിയല് എസ്റ്റേറ്റ് സ്ഥാപനമായ എംബസി ഗ്രൂപ്പിന്റെ ബെംഗളൂരുവിലെ വസന്ത് നഗറിലുള്ള എംബസി സെനിത്ത് കെട്ടിടത്തിലെ 2.7 ലക്ഷം ചതുരശ്ര അടി വിസ്തീർണ്ണമുള്ള ഓഫീസ് സ്ഥലമാണ് ആപ്പിള് വാടകക്കെടുത്തത്.ഈ കെട്ടിടത്തിലെ 5 മുതല് 13 വരെയുള്ള നിലകളാണ് Apple-ന്റെ പുതിയ ഓഫീസിനായി ഉപയോഗിക്കുക.
പ്രതിമാസം 6.31 കോടി രൂപയാണ് വാടക. ഓരോ വർഷവും വാടകയില് 4.5% വർധനവുണ്ടാകും. കരാർ പ്രകാരം 31.57 കോടി രൂപ ആപ്പിള് സുരക്ഷാ നിക്ഷേപമായി നല്കിയിട്ടുണ്ട്. 1.5 കോടി രൂപ സ്റ്റാമ്ബ് ഡ്യൂട്ടിയായും നല്കി.ഇന്ത്യയിലെ തങ്ങളുടെ സാന്നിധ്യം ശക്തമാക്കാൻ ആപ്പിള് വലിയ നിക്ഷേപങ്ങളാണ് നടത്തുന്നത്. എഞ്ചിനീയറിംഗ്, ഓപ്പറേഷൻ ടീമുകള് വിപുലീകരിക്കുന്നതിനൊപ്പം റീട്ടെയില് രംഗത്തും കമ്ബനി ശ്രദ്ധ കേന്ദ്രീകരിക്കുന്നുണ്ട്.
മുംബൈയിലും ഡല്ഹിയിലുമായി രണ്ട് Apple സ്റ്റോറുകള് തുറന്നതിന് ശേഷം, ബെംഗളൂരുവിലെ ഫോണിക്സ് മാള് ഓഫ് ഏഷ്യയില് മൂന്നാമത്തെ സ്റ്റോർ തുറക്കാൻ ഒരുങ്ങുകയാണ്. ഇതിനു പുറമെ, മറ്റൊരു ഡെവലപ്പറില് നിന്ന് 10 വർഷത്തേക്ക് 8000 ചതുരശ്ര അടി ഓഫീസ് സ്ഥലവും കമ്ബനി പാട്ടത്തിനെടുത്തിട്ടുണ്ട്, ഇതിനായി പ്രതിവർഷം 2.09 കോടി രൂപ വാടക നല്കും.
