മുംബൈ: ബോളിവുഡ് താരം ആമിർ ഖാൻ (60) വീണ്ടും വിവാഹിതനാകുന്നു. ഫാഷൻ-വെല്നസ് രംഗത്ത് സജീവമായ ബെംഗളൂരു സ്വദേശിനി ഗൗരി സ്പ്രാറ്റാണ് വധു.ജൂലൈ 5-ന് (നാളെ) മുംബൈ ബാന്ദ്രയിലുള്ള ആമിർ ഖാന്റെ വസതിയില് വെച്ചാണ് വിവാഹച്ചടങ്ങുകള് നടക്കുക. അടുത്ത ബന്ധുക്കളും സുഹൃത്തുക്കളും ഉള്പ്പെടെ 150 ഓളം പേർ മാത്രമാകും ഈ സ്വകാര്യ ചടങ്ങില് പങ്കെടുക്കുക.കഴിഞ്ഞ വ്യാഴാഴ്ച ‘പ്രീതം ആൻഡ് പെഡ്രോ’ എന്ന ചിത്രത്തിന്റെ പ്രത്യേക പ്രദർശനത്തിനിടെ ആമിർ ഖാൻ തന്നെയാണ് വിവാഹവാർത്ത ഔദ്യോഗികമായി സ്ഥിരീകരിച്ചത്. ജൂലൈ 5 തങ്ങളുടെ ജീവിതത്തിലെ ഏറ്റവും സവിശേഷമായ ദിവസമാണെന്നും എല്ലാവരുടെയും അനുഗ്രഹാശിസ്സുകള് വേണമെന്നും താരം മാധ്യമങ്ങളോട് അഭ്യർത്ഥിച്ചു.
ലളിതമായ ചടങ്ങുകള്, സ്പെഷ്യല് മെനുതികച്ചും ലളിതവും സ്വകാര്യവുമായി വിവാഹം നടത്താനാണ് ഇരുവരുടെയും തീരുമാനം. സ്പെഷ്യല് മാരേജ് ആക്ട് പ്രകാരം വിവാഹം രജിസ്റ്റർ ചെയ്ത ശേഷമായിരിക്കും അതിഥികള്ക്കായുള്ള ഉച്ചഭക്ഷണം. അതിഥികള്ക്ക് വിളമ്പേണ്ട വിഭവങ്ങള് പോലും ആമിറും ഗൗരിയും ചേർന്നാണ് തിരഞ്ഞെടുത്തതെന്ന് ദേശീയ മാധ്യമങ്ങള് റിപ്പോർട്ട് ചെയ്യുന്നു.ചടങ്ങില് ഇരുവരുടെയും മക്കളും അടുത്ത കുടുംബാംഗങ്ങളും പങ്കെടുക്കും. കൂടാതെ ആമിറിന്റെ ദീർഘകാല സുഹൃത്തുക്കളും പ്രമുഖ സംവിധായകരുമായ അശുതോഷ് ഗോവാരിക്കർ, രാജ്കുമാർ സന്തോഷി തുടങ്ങിയവരും വിവാഹത്തിന് സാക്ഷ്യം വഹിക്കാൻ എത്തിയേക്കും.25 വർഷത്തെ സൗഹൃദം, ഒടുവില് പ്രണയംബെംഗളൂരു സ്വദേശിനിയായ ഗൗരി സ്പ്രാറ്റ് നിലവില് മുംബൈയിലാണ് താമസം.
25 വർഷം മുൻപ് പരസ്പരം പരിചയപ്പെട്ട ഇരുവരും പിന്നീട് വർഷങ്ങള്ക്ക് ശേഷമാണ് വീണ്ടും കണ്ടുമുട്ടുന്നതും പ്രണയത്തിലാകുന്നതും. തന്റെ അറുപതാം ജന്മദിനത്തിലാണ് ആമിർ ഗൗരിയെ മാധ്യമങ്ങള്ക്ക് മുൻപില് പരിചയപ്പെടുത്തിയത്. ഗൗരി തന്റെ ജീവിതത്തിലേക്ക് വീണ്ടും സന്തോഷം കൊണ്ടുവന്ന വ്യക്തിയാണെന്ന് ആമിർ മുൻപ് വ്യക്തമാക്കിയിരുന്നു. ഗൗരിക്ക് ആദ്യവിവാഹത്തില് ഒരു മകനുണ്ട്.ആമിർ ഖാന്റെ മൂന്നാമത്തെ വിവാഹമാണിത്. ആദ്യ ഭാര്യ റീന ദത്തയില് ജുനൈദ് ഖാൻ, ഇറ ഖാൻ എന്നീ മക്കളും, 2005-ല് വിവാഹം കഴിച്ച കിരണ് റാവുവില് ഒരു മകനുമുണ്ട്. പൂർവ്വ പങ്കാളികളുമായി ഇപ്പോഴും അടുത്ത സൗഹൃദം പുലർത്തുന്ന ആമിർ, മക്കളുടെ കാര്യങ്ങളെല്ലാം അവരുമായി ചേർന്നുതന്നെയാണ് തീരുമാനിക്കാറുള്ളത്.
