സ്പീഡ് ബ്രേക്കറിൽ തട്ടി ബൈക്ക് മറിഞ്ഞ് കോളേജ് വിദ്യാർഥിനി മരിച്ചു; സുഹൃത്തിന് പരുക്ക്

ബെംഗളൂരു: സ്പീഡ്ബ്രേക്കറിൽ തട്ടി നിയന്ത്രണം വിട്ട ബൈക്ക് മറിഞ്ഞ് കോളേജ് വിദ്യാർഥിനി മരിച്ചു. ഹാസനിലെ ഇൻഡസ്ട്രിയൽ ഏരിയയിൽ ഞായറാഴ്ച വൈകീട്ടാണ് അപകടം. സ്വകാര്യകോളേജിലെ എം.സി.എ. വിദ്യാർഥിനിയായ പ്രിയ (22) ആണ് മരിച്ചത്. സുഹൃത്ത് സ്വാതി (24)യെ പരുക്കുകളോടെ ബെംഗളൂരുവിലെ ആശുപത്രിയിൽ പ്രവേശിപ്പിച്ചു.ഹനുമന്തപുരയിലെ ഒരു പരിപാടിയിൽ പങ്കെടുക്കാൻ റോയൽ എൻഫൈഡ് മെറ്റിയർ മോട്ടോർ സൈക്കിളിൽ ഇരുവരും പോകുമ്പോഴായിരുന്നു അപകടം. ഇരുവരും ഹെൽമെറ്റ് ധരിച്ചിരുന്നില്ല. ബ്രേക്കറിൽ തട്ടി ബൈക്കിന്റെ നിയന്ത്രണം നഷ്ടപ്പെട്ടു മറിയുകയായിരുന്നു. ഗുരുതരമായി പരുക്കേറ്റ ഇരുവരേയും നാട്ടുകാർ സ്വകാര്യ ആശുപത്രിയിൽ എത്തിച്ചെങ്കിലും പ്രിയയെ രക്ഷപ്പെടുത്താനായില്ല.