ബെംഗളൂരു: കർണാടകയിലെ സ്ത്രീകള്ക്ക് സൗജന്യ ബസ് യാത്ര ഉറപ്പാക്കുന്ന ‘ശക്തി’ പദ്ധതി മൂലം സംസ്ഥാനത്തെ നാല് റോഡ് ട്രാൻസ്പോർട്ട് കോർപ്പറേഷനുകള്ക്ക് സർക്കാർ നല്കാനുള്ളത് 4,006.47 കോടി രൂപയെന്ന് വെളിപ്പെടുത്തല്.ശൈത്യകാല നിയമസഭാ സമ്മേളനത്തില് സർക്കാർ രേഖാമൂലം നല്കിയ മറുപടിയിലാണ് ഈ ഞെട്ടിക്കുന്ന കണക്കുകളുള്ളത്.കുടിശ്ശികയുടെ കണക്കുകള് ഇങ്ങനെ2023 ജൂണ് 11-ന് പദ്ധതി ആരംഭിച്ചത് മുതല് ഏകദേശം 650 കോടി സ്ത്രീകളാണ് സൗജന്യ യാത്ര പ്രയോജനപ്പെടുത്തിയത്.
എന്നാല് ഇതിന്റെ വിഹിതം കോർപ്പറേഷനുകള്ക്ക് കൈമാറുന്നതില് സർക്കാർ വലിയ വീഴ്ച വരുത്തി.2023-24: 1,180.62 കോടി രൂപ.2024-25: 1,170.45 കോടി രൂപ.2025 നവംബർ വരെ: 1,655.40 കോടി രൂപ.പ്രതിപക്ഷത്തിന്റെ വിമർശനംകെഎസ്ആർടിസി ഉള്പ്പെടെയുള്ള കോർപ്പറേഷനുകളെ സർക്കാർ സാമ്ബത്തിക ബുദ്ധിമുട്ടിലേക്ക് തള്ളിവിടുകയാണെന്ന് പ്രതിപക്ഷ നേതാവ് ചാലുവാടി നാരായണസ്വാമി ആരോപിച്ചു. നേരത്തെ തന്നെ നഷ്ടത്തിലുള്ള കോർപ്പറേഷനുകള്ക്ക് കൃത്യമായി പണം നല്കാത്തത് പൊതുഗതാഗത മേഖലയെ തകർക്കുമെന്നും അദ്ദേഹം പറഞ്ഞു.സർക്കാർ നിലപാട്: അതേസമയം, പദ്ധതിക്കായി ഇതുവരെ 11,748 കോടി രൂപ അനുവദിച്ചിട്ടുണ്ടെന്നും കുടിശ്ശിക ഉടൻ തീർക്കുമെന്നും ഗതാഗത മന്ത്രി രാമലിംഗ റെഡ്ഡി വ്യക്തമാക്കി. സ്ത്രീ ശാക്തീകരണം ലക്ഷ്യമിട്ടുള്ള ഈ പദ്ധതിയോട് ബിജെപിക്ക് എന്നും വിരോധമാണെന്നും, ഗതാഗത മേഖലയില് യാത്രക്കാരുടെ എണ്ണം വർദ്ധിച്ചത് നേട്ടമാണെന്നും അദ്ദേഹം അവകാശപ്പെട്ടു.
