ബെംഗളൂരു:സ്ത്രീകള്ക്കു നേരെ ലൈംഗികാതിക്രമം പതിവാക്കിയ യുവാവിനെ പൊലീസ് അറസ്റ്റ് ചെയ്തു.നഗരത്തിലെ സാൻവിച്ച് ഔട്ലെറ്റില് ജോലി ചെയ്യുന്ന ടി. വിനോദാണ് (27) അറസ്റ്റിലായത്. വൈകുന്നേരങ്ങളില് തനിച്ച് നടക്കുകയോ സ്കൂട്ടറില് പോവുകയോ ചെയ്യുന്ന സ്ത്രീകളെയാണ് ഇയാള് ഉപദ്രവിച്ചിരുന്നത്. തുടർന്ന് സ്കൂട്ടറില് സ്ഥലംവിടുകയായിരുന്നു പതിവ്.കഴിഞ്ഞ ദിവസം സുങ്കടകട്ടെയില് സ്കൂട്ടർ യാത്രക്കാരിയെ ഉപദ്രവിച്ച കേസിലാണ് അറസ്റ്റിലായത്. റോഡിലെ കുഴി ഒഴിവാക്കാൻ സ്കൂട്ടർ വേഗത കുറച്ചപ്പോള് ഇയാള് ലൈംഗികമായി ഉപദ്രവിക്കുകയായിരുന്നു. സിസിടിവി ദൃശ്യങ്ങളുടെ സഹായത്തോടെയാണ് പ്രതിയെ പൊലീസ് പിടികൂടിയത്.
സ്ത്രീകളെ കണ്ടാല് വിടില്ല,സ്കൂട്ടറില് പോകുന്ന യുവതികള്ക്ക് നേരെ ലൈംഗികാതിക്രമം; യുവാവ് അറസ്റ്റില്
