ചാമുണ്ഡിക്ഷേത്രം സന്ദർശിച്ചത് ആറുലക്ഷംപേർ……

മൈസൂരു : ദസറ ദിനങ്ങളിൽ മൈസൂരുവിലെ ചാമുണ്ഡിക്ഷേത്രം സന്ദർശിച്ചത് ആറു ലക്ഷം പേർ. പ്രതിദിനം ശരാശരി 60,000-ത്തിലധികം ഭക്തർ എത്തിയതായാണ് കണക്ക്.വിജയദശമി ദിനത്തിൽ മാത്രം, 75,000-ത്തിലധികം ഭക്തർ ക്ഷേത്രം സന്ദർശിച്ചു.അന്ന് ഭക്തരുടെ തിരക്ക് നിയന്ത്രിക്കുന്നതിൽ പോലീസ് ഏറെ ബുദ്ധിമുട്ട് നേരിട്ടു.ക്ഷേത്രദർശനത്തിനായി മണിക്കൂറുകളോളമായിരുന്നു വരി.ദക്ഷിണകാശി എന്നറിയപ്പെടുന്ന നഞ്ചൻകോടി ശ്രീകണ്ഠേശ്വരസ്വാമി ക്ഷേത്രത്തിലും വൻ ഭക്തജന തിരക്കാണ് അനുഭവപ്പെട്ടത്.ദസറ കാലയളവിൽ പ്രതിദിനം ശരാശരി 20,000 ഭക്തർ ക്ഷേത്രത്തിൽ ദർശനം നടത്തി.