ഇന്ത്യയിൽ നിരവധി ജാതിയും മതങ്ങളുമുണ്ട്,പക്ഷേ ഒരു മതവും വർഗീയതയെ പ്രോത്സാഹിപ്പിക്കുന്നില്ല. എല്ലാ മതങ്ങളുടെയും സാരാംശം സമാധാനവും സഹവർത്തിത്വവുമാണ്‌. അടുത്തിടെ കർണാടകയിൽ വർഗീയതയുടെ പേരിൽ പരിധിക്കപ്പുറം എണ്ണമറ്റ കൊലപാതകങ്ങൾ നടന്നിട്ടുണ്ട്. ഇത് തടയണമെങ്കിൽ, ഇവിടുത്തെ മതനേതാക്കൾ മുന്നോട്ടുവരണം. ഇക്കാര്യത്തിൽ, എല്ലാ ജാതികളുടെയും മതങ്ങളുടെയും നേതാക്കളുടെ പങ്കാളിത്തത്തോടെ, എസ് എസ് എഫ് കർണാടക സംസ്ഥാന കമ്മിറ്റി, “മനസ്സുകളെ മനസ്സുകളുമായി ബന്ധിപ്പിക്കുക” എന്ന മുദ്രാവാക്യവുമായി കർണാടകയിലെ 20 പട്ടണങ്ങളിൽ സൗഹൃദ നടത്തം എന്ന പരിപാടി സംഘടിപ്പിചിട്ടുണ്ട് .
ജൂലൈ 4 ന് ബെംഗളൂരുവിലെ ഫ്രീഡം പാർക്കിൽ സമാപന ചടങ്ങ് നടക്കും. നിയമസഭാ സ്പീക്കർ യു.ടി. ഖാദർ ബെലി മഠം സ്വാമിജി, ശ്രീ ശ്രീ ചരമൂർത്തി ശിവരുദ്ര മഹാസ്വാമിജി, പൂജ്യ ധമ്മവീര ഭന്തേ സ്വാമിജി, സെന്റ് ജോസഫ്സ് ഇന്ത്യൻ സ്കൂൾ പ്രിൻസിപ്പൽ, റവറന്റ് ഫാ. സിറിൽ മെനെജസ് എസ്.ജെ. എന്നിവർ പരിപാടിയിൽ പങ്കെടുക്കും. കർണാടക സ്റ്റേറ്റ് എസ് വൈ എസ് പ്രസിഡന്റ് ബഷീർ സഅദി പീനിയ, എസ് എസ് എഫ് സംസ്ഥാന പ്രസിഡന്റ് സുഫിയാൻ സഖാഫി, എസ് വൈ എസ് സംസ്ഥാന സാന്ത്വന പ്രസിഡന്റ് ഇബ്രാഹിം സഖാഫി പയോട്ട, സ്വാഗത കമ്മിറ്റി ചെയർമാൻ സ്വാലിഹ് ടി.സി, കർണാടക മുസ്ലിം ജമാഅത്ത്, എസ് വൈ എസ്, എസ് എസ് എഫ് നേതാക്കൾ പങ്കെടുക്കും.
