സ്റ്റേറ്റ് ബാങ്ക് ഓഫ് ഇന്ത്യയില്‍ ജൂനിയര്‍ അസോസിയേറ്റ് (കസ്റ്റമര്‍ സപ്പോര്‍ട്ട് ആന്‍ഡ് സെയില്‍സ്) തസ്തികയിലേക്കുള്ള വിജ്ഞാപനം പ്രസിദ്ധീകരിച്ചു.ബിരുദധാരികള്‍ക്കാണ് ഇതില്‍ അപേക്ഷിക്കാന്‍ അവസരം. നേരത്തേ ക്ലാര്‍ക്ക് എന്ന പേരില്‍ അറിയപ്പെട്ടിരുന്ന തസ്തികയാണിത്. നിങ്ങള്‍ ഒരു ബിരുദധാരി ആണെങ്കില്‍ തീര്‍ച്ചയായും ഈ അവസരം പാഴാക്കരുത്14,191 (റഗുലര്‍-13,735, ബാക്ക് ലോഗ്-456) ഒഴിവുണ്ട്. ഇതില്‍ 428 ഒഴിവ് കേരളത്തിലാണ് (റഗുലര്‍-426, ബാക്ക് ലോഗ്-2).
യോഗ്യത:അംഗീകൃത സര്‍വകലാശാലയില്‍ നിന്ന് ഏതെങ്കിലും വിഷയത്തില്‍ നേടിയ ബിരുദം/ തത്തുല്യമാണ് യോഗ്യത. 2024 ഡിസംബര്‍ 31-നോ അതിനു മുന്‍പോ നേടിയതായിരിക്കണം യോഗ്യത. ഏത് സംസ്ഥാനത്തേക്കാണോ അപേക്ഷിക്കുന്നത് ആ സംസ്ഥാനത്തെ പ്രാദേശിക ഭാഷ (കേരളത്തിലെയും ലക്ഷദ്വീപിലെയും ഒഴിവുകളിലേക്ക് അപേക്ഷിക്കുന്നവര്‍ക്ക് മലയാളം) അറിഞ്ഞിരിക്കണം.
പ്രായം:1.4.2024-ന് 20-28 വയസ്സ്. ഉയര്‍ന്ന പ്രായപരിധിയില്‍ എസ്.സി., എസ്.ടി. വിഭാഗക്കാര്‍ക്ക് അഞ്ചുവര്‍ഷത്തെയും ഒ.ബി.സി. വിഭാഗക്കാര്‍ക്ക് മൂന്നുവര്‍ഷത്തെയും ഇളവുണ്ട്. വിധവകള്‍ക്കും പുനര്‍ വിവാഹിതരാവാത്ത വിവാഹ മോചിതകള്‍ക്കും 35 വയസ്സു വരെ (എസ്.സി., എസ്.ടി.-40, ഒ.ബി.സി.-38) അപേക്ഷിക്കാം.എസ്.ബി.ഐ.യില്‍ 30.11.2024-നോ അതിനു മുന്‍പോ അപ്രന്റിസ്ഷിപ്പ് വിജയകരമായി പൂര്‍ത്തിയാക്കിയവര്‍ക്ക് ജനറല്‍/ ഇ.ഡബ്ല്യു.എസ്.-ഒരു വര്‍ഷം, ഒ.ബി.സി.-4 വര്‍ഷം, എസ്.സി., എസ്.ടി.-6 വര്‍ഷം, ഭിന്നശേഷി (എസ്.സി./എസ്.ടി)-16 വര്‍ഷം, ഭിന്നശേഷി (ഒ.ബി.സി.)-14 വര്‍ഷം ഭിന്നശേഷി (ജനറല്‍/ ഇ.ഡബ്ല്യു.എസ്.)-11 വര്‍ഷം എന്നിങ്ങനെയും വയസ്സിളവിന് അര്‍ഹതയുണ്ടായിരിക്കും.
വിശദവിവരങ്ങള്‍ക്കും അപേക്ഷിക്കുന്നതിനും sbi.co.in സന്ദര്‍ശിക്കുക.
അവസാനതീയതി:ജനുവരി ഏഴ്
