തിയേറ്ററുകളെ ചിരിയിലാഴ്ത്തിയ കുടുംബ ചിത്രം ‘ഗുരുവായൂരമ്ബലനടയില്‍’ ഒടിടിയിലേക്ക്. ചിത്രം ജൂണ്‍ 27 മുതല്‍ ഡിസ്നി പ്ലസ് ഹോട്ട്സ്റ്റാറിലൂടെയാണ് സ്ട്രീമിംഗ് ആരംഭിക്കുന്നത്. പൃഥ്വിരാജ്, ബേസില്‍ ജോസഫ്, നിഖില വിമല്‍, അനശ്വര രാജൻ തുടങ്ങിയവർ പ്രധാനവേഷത്തിലെത്തിയ ചിത്രമാണ് ഗുരുവായൂരമ്ബലനടയില്‍.
ബോക്സ്‌ഓഫിസില്‍ നിന്നും കോടികള്‍ വാരിയ ചിത്രത്തിന്റെ സംവിധായകൻ വിപിന്‍ദാസാണ്. പൃഥ്വിരാജ് പ്രൊഡക്‌ഷൻസിന്റെ ബാനറില്‍ സുപ്രിയ മേനോൻ, ഇഫോർ എന്റർടെയ്ൻമെന്റിന്‍റെ ബാനറില്‍ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് ചിത്രം നിർമിച്ചിരിക്കുന്നത്.’കുഞ്ഞിരാമായണം’ എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രത്തില്‍ തമിഴ് നടൻ യോഗി ബാബു ചിത്രത്തിലൊരു പ്രധാന വേഷത്തിലെത്തിയിട്ടുണ്ട്.
