ബംഗളൂരു: നഗരത്തില് ജൂണ് ആദ്യം ജലവിതരണം തടസ്സപ്പെടും. തെരഞ്ഞെടുപ്പ് ഫലം വരുന്ന ദിവസം ബംഗളൂരുവിലെ ജലവിതരണത്തില് വ്യത്യാസമുണ്ടാകുമെന്ന് ബി.ഡബ്ല്യു.എസ്.എസ്.ബി പ്രസ്താവനയില് അറിയിച്ചു. കാവേരി അഞ്ചാംഘട്ട പദ്ധതികളുടെ നടത്തിപ്പുമായി ബന്ധപ്പെട്ട് ജൂണ് നാല്, അഞ്ച് തീയതികളില് നഗരത്തില് ജലവിതരണം ഉണ്ടാകില്ല. കാവേരി അഞ്ചാംഘട്ട പദ്ധതികളുടെ നടത്തിപ്പിനായി ബംഗളൂരു വാട്ടർ സപ്ലൈ ആൻഡ് മലിനജല ബോർഡ് ജലവിതരണം നിർത്തിവെക്കും.
കാവേരി ഒന്ന്, രണ്ട് ഘട്ട യൂനിറ്റുകളില് രാവിലെ ആറ് മുതല് വൈകീട്ട് ആറരവരെ തടസ്സപ്പെടും. കാവേരി നാലാം ഘട്ടത്തില് ഒന്ന്, രണ്ട് ഘട്ടങ്ങളിലെ ജലവിതരണ യൂനിറ്റുകളില് രാവിലെ 10 മുതല് ഉച്ചക്ക് 2 വരെ 4 മണിക്കൂർ ജലവിതരണം തടസ്സപ്പെടും.
ജൂണ് ശിവ് തീയതികളില് ബംഗളൂരു നഗരത്തിലേക്കുള്ള കാവേരി ജലവിതരണത്തില് വ്യത്യാസമുണ്ടാകുമെന്ന് ബി.ഡബ്ല്യൂ.എസ്.എസ്.ബി അറിയിച്ചു. പൊതുജനങ്ങള് ബോർഡുമായി സഹകരിക്കണമെന്നും ആവശ്യമായ വെള്ളം സംഭരിക്കണമെന്നും അറിയിച്ചു.
