നടി മഞ്ജു പിള്ളയും ഛായാഗ്രാഹകൻ സുജിത് വാസുദേവും വേർപിരിഞ്ഞു. ഇരുവരും വിവാഹമോചനം നേടിയെന്നുള്ള അഭ്യൂഹങ്ങള്‍ നേരത്തേ തന്നെ ഉയർന്നിരുന്നു. എന്നാല്‍ ഇത് സംബന്ധിച്ച്‌ ഇരുവരും പ്രതികരിച്ചിരുന്നില്ല. ഇപ്പോഴിതാ സൈന സൗത്ത് പ്ലസിന് നല്‍കിയ അഭിമുറത്തിനിടയിലാണ് സുജിത് വേർപിരിഞ്ഞ കാര്യം സ്ഥിരീകരിച്ചത്.
കുറച്ചു നാളുകള്‍ക്ക് മുൻപ് മഞ്ജു പിള്ള തന്റെ പുതിയ ഫ്ലാറ്റില്‍ ഗൃഹപ്രവേശനം നടത്തിയിരുന്നു. അന്ന് സുജിത് മഞ്ജുവിനൊപ്പം ഉണ്ടായിരുന്നില്ല. മകള്‍ ദിയ മാത്രമായിരുന്നു അവർക്കൊപ്പം ഉണ്ടായിരുന്നത്. ഇതോടെയാണ് വിവാഹമോചനം സംബന്ധിച്ച അഭ്യൂഹങ്ങള്‍ ആദ്യം ഉയർന്നത്. ഇതിന് പിന്നാലെ സുജിത്തിന്റെ കൊച്ചിയിലെ ഫ്ലാറ്റിന്റെ പാലുകാച്ചിലിന് മഞ്ജുവിനെ കാണാതിരുന്നത് അഭ്യൂഹങ്ങള്‍ക്ക് ശക്തിപകർന്നു. ഇപ്പോഴിതാ തങ്ങള്‍ 2020 മുതല്‍ വേർപിരിഞ്ഞ് കഴിയുകയാണെന്നും കഴിഞ്ഞ മാസം നിയമപരമായി വേർപിരിഞ്ഞുവെന്നുമാണ് സുജിത് വ്യക്തമാക്കിയത്.
ഭാര്യയായ മഞ്ജു പിള്ളയുടെ അടുത്ത കാലത്തെ സിനിമയായ ഹോം, ഫാലിമി എന്നിവയ്ക്ക് ശേഷമുണ്ടായ പ്രകടനത്തെ കുറിച്ച്‌ എന്താണ് അഭിപ്രായം എന്നായിരുന്നു സുജിതിനോടുള്ള ചോദ്യം. ഇതിന് ഒരു സുഹൃത്ത് എന്ന നിലയില്‍ നോക്കിക്കാണുമ്ബോള്‍ ഒരാള്‍ വലിയ നിലയില്‍ എത്തുന്നത് കാണുന്നതില്‍ സന്തോഷമുണ്ടെന്ന് സുജിത് മറുപടി നല്‍കി.ഒരു സുഹൃത്ത് എന്ന് പറയാൻ കാരണം, 2020 മുതല്‍ മഞ്ജുവുമായി അകന്നു കഴിയുകയാണ്. കഴിഞ്ഞ മാസം നിയമപരമായി ഇരുവരും വിവാഹമോചിതരായി എന്ന് സുജിത് വ്യക്തമാക്കി. അതേസമയം വേർപിരിഞ്ഞെങ്കിലും മഞ്ജുവിന്റെ പ്രകടനത്തെ കുറിച്ച്‌ പരസ്പരം ചര്ഡച്ച ചെയ്യാറുണ്ടെന്നും സുഹൃദ് ബന്ധം നിലനിർത്തുന്നുണ്ടെന്നും സുജിത് വ്യക്തമാക്കി.
പരസ്പരം ഇപ്പോഴും നല്ല അടുപ്പമാണ് ഉള്ളത്. തന്റെ സിനിമയിലേക്കുള്ള ചുവടുവയ്പ്പിനു മഞ്ജു വഹിച്ച പങ്ക് വളരെ വലുതാണെന്നും സുജിത് അഭിമുഖത്തില്‍ പറഞ്ഞു. മലയാള സിനിമയിലെ മുൻനിര ഛായാഗ്രാഹകന്മാരില്‍ ഒരാളാണ് സുജിത്. L2 എമ്ബുരാൻ ആണ് സുജിത്തിന്റേതായി പുറത്തിറങ്ങാനിരിക്കുന്ന പുതിയ പ്രൊജക്‌ട്. സീരിയലില്‍ പ്രവർത്തിക്കുന്ന കാലത്തായിരുന്നു മഞ്ജുവും സുജിതും തമ്മില്‍ സൗഹൃദത്തിലാകുന്നതും പിന്നെ വിവാഹിതരാകുന്നതും.
മഞ്ജു ഏറെ നാളുകള്‍ സിനിമയിലും മിനി സ്ക്രീനിലൊന്നും സജീവമായിരുന്നില്ല. ഇപ്പോള്‍ വൻ തിരിച്ചുവരവാണ് താരം നടത്തിയത്. ഹോം എന്ന സിനിമയിലെ മഞ്ജുവിന്റെ പ്രകടനം വലിയ പ്രശംസ നേടിയിരുന്നു. ബേസില്‍ നായകനായെത്തിയ ഫാലിമിയിലെ മഞ്ജുവിന്റെ പ്രകടനവും കൈയ്യടി നേടി.
