തിരുവനന്തപുരം: പ്രസവശേഷം അമ്മയേയും കുഞ്ഞിനേയും വാഹനത്തില് സൗജന്യമായി വീട്ടിലെത്തിക്കുന്ന മാതൃയാനം പദ്ധതി പ്രസവം നടക്കുന്ന എല്ലാ സര്ക്കാര് ആശുപത്രികളിലും നടപ്പിലാക്കിയതായി മന്ത്രി വീണാ ജോര്ജ്. അനേകം കുടുംബങ്ങള്ക്ക് ഈ പദ്ധതി സഹായകമാകുമെന്ന് മന്ത്രി വ്യക്തമാക്കി. എ.പി.എല്., ബി.പി.എല്. വ്യത്യാസമില്ലാതെ എല്ലാ കുടുംബങ്ങള്ക്കും ഈ പദ്ധതിയുടെ പ്രയോജനം ലഭിക്കും.
ഒന്പത് മെഡിക്കല് കോളേജുകള്, 41 ജില്ലാ, ജനറല്, സ്ത്രീകളുടേയും കുട്ടികളുടേയും ആശുപത്രികള്, 50 താലൂക്ക് ആശുപത്രികള്, ഒരു സാമൂഹികാരോഗ്യ കേന്ദ്രം എന്നിങ്ങനെ പ്രസവം നടക്കുന്ന 101 സര്ക്കാര് ആശുപത്രികളിലാണ് പദ്ധതി യാഥാര്ത്ഥ്യമാക്കിയത്.
