കോഴിക്കോട്: മാധ്യമപ്രവര്ത്തകയെ അപമാനിച്ച കേസില് സുരേഷ് ഗോപിക്ക് പൊലീസ് നോട്ടീസ് അയച്ചു. മാധ്യമപ്രവര്ത്തകയെ അപമാനിച്ച കേസിലാണ് നോട്ടീസ്. ഈ മാസം 18 ന് മുമ്ബ് ഹാജരാകണമെന്നാണ് ആവശ്യപ്പെട്ടിരിക്കുന്നത്. നടക്കാവ് പൊലീസാണ് നോട്ടീസ് നല്കിയത്. കോഴിക്കോട് കെ.പി.എം ട്രൈസെൻഡ ഹോട്ടലിന് മുന്നില് വാര്ത്തക്കായി ബൈറ്റ് എടുക്കുമ്ബോഴായിരുന്നു സുരേഷ് ഗോപി മാധ്യമപ്രവര്ത്തകയെ അപമാനിക്കുന്ന രീതിയില് പെരുമാറിയത്. ചോദ്യം ചോദിച്ച മാധ്യമ പ്രവര്ത്തകയുടെ തോളില് സുരേഷ് ഗോപി കൈവയ്ക്കുകയായിരുന്നു. തുടര്ന്ന് ഇവര് ഒഴിഞ്ഞുമാറിയെങ്കിലും വീണ്ടും ചോദ്യമുന്നയിച്ചപ്പോള് വീണ്ടും തോളില് കൈവച്ചു. ഇതോടെ മാധ്യമ പ്രവര്ത്തകയ്ക്ക് കൈപിടിച്ചു മാറ്റേണ്ടതായി വന്നു.
തുടര്ന്ന് സ്ത്രീത്വത്തെ അപമാനിക്കുകയും മോശം ഉദ്ദേശ്യത്തോടെ പെരുമാറുകയും ചെയ്ത സുരേഷ് ഗോപിക്കെതിരെ കേസെടുക്കണമെന്ന് ആവശ്യപ്പെട്ട് ഷിദ സിറ്റി പൊലീസ് കമ്മീഷണര്ക്ക് പരാതി നല്കി. നടക്കാവ് സ്റ്റേഷൻ പരിധിയില് നടന്ന സംഭവമായതിനാല് പരാതി നടക്കാവ് പൊലീസിന് കൈമാറുകയായിരുന്നു. കഴിഞ്ഞ മാസം 27നാണ് കേസിനാസ്പദമായ സംഭവം നടന്നത്.
സ്ത്രീത്വത്തെ അപമാനിക്കുകയും മോശം ഉദ്ദേശ്യത്തോടെ പെരുമാറുകയും ചെയ്തെന്നാണ് മാധ്യമപ്രവർത്തക സുരേഷ് ഗോപിക്കെതിരെ നൽകിയ പരാതിയിൽ പറയുന്നത്. സിറ്റി പോലീസ് കമ്മീഷണർക്കാണ് മാധ്യമപ്രവർത്തക പരാതി നൽകിയത്. തുടർന്ന് നടക്കാവ് സ്റ്റേഷൻ പരിധിയിൽ നടന്ന സംഭവമായതിനാൽ പരാതി നടക്കാവ് പോലീസിന് കൈമാറുകയായിരുന്നു. കഴിഞ്ഞ മാസം 27നാണ് കേസിനാസ്പദമായ സംഭവമുണ്ടായത്.
