കണ്ണൂര്: കേരളാ-കര്ണാടക അതിര്ത്തിയില് യുവതിയുടെ മൃതദേഹം കണ്ടെത്തി. മാക്കൂട്ടം ചുരത്തില് ട്രോളി ബാഗിനുള്ളിലാണ് യുവതിയുടെ മൃതദേഹം കണ്ടെത്തിയത്. വെട്ടി നുറുക്കി കഷ്ണങ്ങളാക്കിയ മൃതദേഹം അഴുകിയ നിലയിലാണ്. മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. നാലു കഷ്ണങ്ങളായി മുറിച്ച നിലയിലാണ് ബാഗിനുള്ളില് കണ്ടെത്തിയത്.
കര്ണാടക വനംവകുപ്പ് ഉദ്യോഗസ്ഥരാണ് മൃതദേഹം കണ്ടെത്തിയത്. തുടര്ന്ന് പോലീസില് വിവരമറിയിക്കുകയായിരുന്നു. വിരാജ്പേട്ട പോലീസ് അന്വേഷണമാരംഭിച്ചിട്ടുണ്ട്. മൃതദേഹം വിരാജ്പേട്ട താലൂക്ക് ആശുപത്രിയില് മോര്ച്ചറിയില് സൂക്ഷിച്ചിരിക്കുകയാണ്. കേരളത്തിലേക്കും അന്വേഷണം വ്യാപിപ്പിക്കുമെന്നാണ് കര്ണാടക പോലീസ് അറിയിച്ചു.
