ഭോപ്പാല്: മധ്യപ്രദേശില് ആദിവാസി യുവാവിന്റെ മുഖത്ത് മൂത്രം ഒഴിച്ച സംഭവത്തില് ആദിവാസി യുവാവിന്റെ കാല് കഴുകി മുഖ്യമന്ത്രി ശിവരാജ് സിങ് ചൗഹാൻ. ഭോപ്പാലില് മുഖ്യമന്ത്രിയുടെ വസതിയില് വച്ചാണ് ആദിവാസി യുവാവായ ദഷ്മത് റാവത്തിനെ ശിവരാജ് സിങ് ചൗഹാൻ കണ്ടത്. വ്യാഴാഴ്ചയാണ് ആദിവാസി യുവാവിന്റെ കാലു കഴുകിയ ശേഷം മുഖ്യമന്ത്രി ക്ഷമാപണം നടത്തിയത്.
പ്രവേശ് ശുക്ല എന്നയാളാണ് ആദിവാസി യുവാവിന്റെ മുഖത്ത് മൂത്രമൊഴിച്ചത്. സംഭവത്തില് ഇയാളെ പൊലീസ് അറസ്റ്റ് ചെയ്യുകയും സര്ക്കാര് ഇയാളുടെ വീടിന്റെ ഒരു ഭാഗം ബുള്ഡോസര് ഉപയോഗിച്ച് തകര്ക്കുകയും ചെയ്തിരുന്നു. അനധികൃത നിര്മ്മാണമെന്ന് കാണിച്ചായിരുന്നു നടപടി.
