മംഗളൂരു;ബംഗളൂരു– മൈസൂരു അതിവേഗ പാത ഉദ്ഘാടനം കഴിഞ്ഞ് അടുത്ത ദിവസം തകര്‍ന്നു. തകര്‍ന്ന റോഡിന്റെ ചിത്രങ്ങളും ദൃശ്യങ്ങളും സമൂഹമാധ്യമങ്ങളില്‍ പ്രചരിച്ചത് സര്‍ക്കാരിന് നാണക്കേടായി. 10 വരി പാതയില്‍ രാമനാഗര–- ബിഡദി ബൈപാസിലെ പാലം ആരംഭിക്കുന്ന സ്ഥലത്താണ് റോഡ് തകര്‍ന്നത്. നിരവധി ഇരുചക്ര വാഹനങ്ങള്‍ ഇവിടെ അപകടത്തില്‍പ്പെട്ടു.
ബസില്‍ 20 രൂപവരെയൂസര്‍ ഫീ
ഇതിനിടെ പാതയിലൂടെയുള്ള യാത്രയ്ക്ക് യൂസര്‍ ഫീ ഈടാക്കാന്‍ കര്‍ണാടക ആര്‍ടിസി തീരുമാനിച്ചു. ഇതുപ്രകാരം ആര്‍ടിസി ബസുകളായ കര്‍ണാടക സാരിഗെ ബസ് യാത്രയ്ക്ക് 15 രൂപയും രാജ ഹംസ ബസുകള്‍ക്ക് 18 രൂപയും മള്‍ട്ടി ആക്സില്‍ ബസുകള്‍ക്ക് 20 രൂപയും യാത്രക്കാര്‍ യൂസര്‍ ഫീ നല്‍കണം.
കര്‍ണാടക ഡിജിപിയെ ഭീഷണിപ്പെടുത്തി ഡി.കെ ശിവകുമാര്‍
ബംഗളൂരു: കര്‍ണാടക പോലീസ് മേധാവിയെ കോണ്‍ഗ്രസ് സംസ്ഥാന അധ്യക്ഷന്‍ ഡി.കെ ശിവകുമാര്‍ ഭീഷണിപ്പെടുത്തിയെന്ന് പരാതി.
ഡിജിപി പ്രവീണ്‍ സൂദ് ബിജെപിക്ക് അനുകൂലമായി നില്‍ക്കുയാണെന്നും കോണ്‍ഗ്രസ് പ്രവര്‍ത്തകര്‍ക്കെതിരെ അന്യായമായി കേസെടുക്കുകയാണെന്നും ശിവകുമാര്‍ ആരോപിച്ചു.
കോണ്‍ഗ്രസ് അധികാരത്തില്‍ തിരിച്ചെത്തിയാല്‍ ഡിജിപിക്കെതിരെ നടപടി സ്വീകരിക്കുമെന്നും ശിവകുമാര്‍ പറഞ്ഞു. ‘ഡി.ജി.പി വെറും പാഴാണ്. ഇദ്ദേഹത്തിനെതിരെ ഉടന്‍തന്നെ കേസുകൊടുക്കണം. അറസ്റ്റു ചെയ്യണം. തിരഞ്ഞെടുപ്പ് കമ്മീഷന്‍ ഇദ്ദേഹത്തെ മാറ്റണം . മൂന്നു വര്‍ഷമായി സര്‍വീസില്‍ തുടരുന്ന ഇദ്ദേഹം കോണ്‍ഗ്രസിനെതിരെ മാത്രമാണ് കേസുകള്‍ എടുക്കുന്നത്. 25 ലേറെ കേസുകള്‍ ഇതിനകം എടുത്തുവെന്നും ശിവകുമാര്‍ ആരോപിച്ചു.
കര്‍ണാടക നിയമസഭയിലേക്കുള്ള തിരഞ്ഞെടുപ്പ് മേയില്‍ നടക്കുമെന്നാണ് സൂചന. 224 അംഗ സഭയില്‍ 150 സീറ്റില്‍ വിജയിച്ച്‌ അധികാരത്തില്‍ തിരിച്ചെത്താനുള്ള തീവ്രശ്രമത്തിലാണ് കോണ്‍ഗ്രസ്. ജെഡിഎസ് ഇതിനകം 93 സ്ഥാനാര്‍ത്ഥികളെ പ്രഖ്യാപിച്ചുകഴിഞ്ഞു. എന്നാല്‍ കോണ്‍ഗ്രസും ബിജെപിയും സ്ഥാാര്‍ത്ഥി പ്രഖ്യാപനത്തിലേക്ക് കടന്നിട്ടില്ല.
