ബെംഗളൂരു സ്ത്രീയ്ക്ക് അനുകൂല വിധി മാത്രമല്ല, പുരുഷന് അനുകൂലമായ വിധിയും കോടതി പുറപ്പെടുവിപ്പിക്കും. ഒരു തെളിവുമില്ലാതെ ഭർത്താവിന് ലൈംഗിക ശേഷിയില്ലെന്ന് ഭാര്യ ആരോപിച്ചാൽ അതും മാനസിക പീഡനത്തിന്റെ പരിധിയിൽ വരുമെന്ന് കർണാടക ഹൈക്കോടതി.അത്തരമൊരു സാഹചര്യത്തിൽ, ഭർത്താവിന് ഭാര്യയിൽ നിന്ന് വേർപിരിയാൻ ഹർജി ഫയൽ ചെയ്യാമെന്നും കോടതി വ്യക്തമാക്കി.
തന്റെ വിവാഹമോചന ഹർജി തള്ളിക്കൊണ്ടുള്ള ധാർവാഡ് കുടുംബകോടതിയുടെ ഉത്തരവ് റദ്ദാക്കണമെന്ന് ആവശ്യപ്പെട്ട് യുവാവ് സമർപിച്ച ഹർജിയിലാണ് കർണാടക ഹൈക്കോടതി ജസ്റ്റിസ് സുനിൽ ദത്ത് യാദവ് അധ്യക്ഷനായ ഡിവിഷൻ ബെഞ്ച് ഈ ഉത്തരവ് പുറപ്പെടുവിച്ചത്.
തനിക്ക് ലൈംഗിക ശേഷിയില്ലെന്ന് ഭാര്യ പലതവണ ബന്ധുക്കളോട് പറഞ്ഞിരുന്നതായി ഭർത്താവ് ആരോപിച്ചു. ഇത് എന്നെ അപമാനിക്കുന്നു. ഇക്കാരണത്താൽ, വിവാഹമോചനംഅനുവദിക്കണമെന്ന് അദ്ദേഹം ആവശ്യപ്പെട്ടു. 2015 ജൂൺ 17-ന് ധാർവാഡ് കുടുംബ കോടതി വിവാഹമോചന ഹർജി തള്ളിയിരുന്നു. തുടർന്നാണ് ഭർത്താവ് ഹൈക്കോടതിയെ സമീപിച്ചത്.
2013 ലാണ് ഹർജിക്കാരൻയുവതിയെ വിവാഹം കഴിച്ചത്. ഏതാനുംമാസങ്ങൾക്കുശേഷം, ധാർവാഡിലെ കുടുംബകോടതിയിൽ വിവാഹമോചനം ആവശ്യപ്പെട്ട് അദ്ദേഹം ഹർജി സമർപിച്ചു. വിവാഹ ജീവിതത്തിൽ ആദ്യം ഭാര്യ സഹകരിച്ചിരുന്നെങ്കിലും പിന്നീട് സ്വഭാവത്തിൽ മാറ്റം വന്നതായി ഇയാൾ പറയുന്നു.
പുനർവിവാഹം വരെ പ്രതിമാസം 8,000 രൂപ ജീവനാം നൽകാനും കർണാടക ഹൈക്കോടതിയുടെ ഈ ഡിവിഷൻ ബെഞ്ച് ഹർജിക്കാരനോട് നിർദേശിച്ചു. ‘ഭർത്താവ് വിവാഹത്തിന്റെ ബാധ്യതകൾ നിറവേറ്റുന്നില്ലെന്നും ലൈംഗിക ബന്ധത്തിൽ ഏർപെടാൻ കഴിവില്ലെന്നും ഭാര്യ ആരോപിച്ചു. എന്നാൽ, ആരോപണം സാധൂകരിക്കുന്ന തെളിവുകളൊന്നും യുവതി നൽകിയിട്ടില്ല.
അടിസ്ഥാന രഹിതമായ ഈ ആരോപണങ്ങൾ ഭർത്താവിന്റെ അന്തസിനെ ഹനിക്കുന്നതാണെന്ന് കോടതി ചൂണ്ടിക്കാട്ടി.വൈദ്യപരിശോധനയ്ക്ക് തയ്യാറാണെന്ന് ഭർത്താവ് അറിയിച്ചു. എന്നാൽ, മെഡികൽ പരിശോധനയിലൂടെ ആരോപണം തെളിയിക്കുന്നതിൽ ഭാര്യ പരാജയപ്പെട്ടു.
1955 ലെ ഹിന്ദു വിവാഹ നിയമത്തിലെ സെക്ഷൻ 13 പ്രകാരം ബലഹീനത അപ്രീതിക്ക് കാരണമാകില്ല. ഇത്തരം വ്യാജ ആരോപണങ്ങൾ മാനസിക പീഡനമാണെന്നും ഭർത്താവിന് വേണമെങ്കിൽ വിവാഹമോചനം ആവശ്യപ്പെടാമെന്നും ഹൈക്കോടതി പറഞ്ഞു.
