ബംഗളുരു: െഎ.ടി കമ്ബനികളോട് വര്‍ക്ക് അറ്റ് ഹോം നീട്ടണമെന്ന് നിര്‍ദേശിച്ച്‌ കര്‍ണാടക സര്‍ക്കാര്‍. ബാംഗ്ലൂര്‍ മെട്രോ റെയില്‍വെ കോര്‍പ്പറേഷന്‍ നിര്‍മാണ പ്രവര്‍ത്തനങ്ങള്‍ തുടങ്ങുന്ന സാഹചര്യത്തിലാണ് കോവിഡിനെ തുടര്‍ന്നേര്‍പ്പെടുത്തിയ വര്‍ക്ക് അറ്റ് ഹോം തുടരാന്‍ ആവശ്യപ്പെട്ടിരിക്കുന്നത്.
2022 ഡിസംബര്‍ വരെ വര്‍ക്ക് അറ്റ് ഹോം നല്‍കണമെന്ന നിര്‍ദേശമാണ് ഇലക്ട്രോണിക്സ് ആന്‍റ് ഐ.ടി വകുപ്പ് സംസ്ഥാനത്തെ ഐ.ടി കമ്ബനികള്‍ക്ക് മുന്നില്‍ വെച്ചിരിക്കുന്നത്. തിരക്കുകള്‍ നിയന്ത്രിക്കാനും നിര്‍മാണ പ്രവര്‍ത്തനങ്ങള്‍ വേഗം പൂര്‍ത്തികരിക്കാനും കൂടുതല്‍ പേര്‍ നഗരങ്ങളിലേക്കെത്താതിരിക്കുന്നതാണ് നല്ലതെന്നാണ് സര്‍ക്കാര്‍ വിലയിരുത്തല്‍.
കോവിഡ് രണ്ടാം ഘട്ട വ്യാപനം നിയന്ത്രണ വിധേയമായതോടെ കര്‍ണാടകയില്‍ സ്കൂളുകളുടെ പ്രവര്‍ത്തനം പുനരാരംഭിക്കാന്‍ തീരുമാനിച്ചിരുന്നു. രണ്ട് ശതമാനത്തില്‍ താഴെ ടെസ്റ്റ് പോസിറ്റിവിറ്റി നിരക്കുള്ള ജില്ലകളിലാണ് ഇളവുകള്‍ നല്‍കിയത്. ബംഗളൂരുവില് കുട്ടികള്ക്കിടയില് കോവിഡ് വ്യാപനം വര്ധിക്കുന്നുവെന്നും മൂന്നാംഘട്ട വ്യാപനത്തിന്റെ സൂചനയെന്നുമുള്ള റിപ്പോര്ട്ടുകള് ബി.ബി.എം.പി തള്ളിയിരുന്നു.
