തുമകുരു: സൗദി അറേബ്യയിൽ ഭാര്യ കാമുകനൊപ്പം ഒളിച്ചോടിയതിനെ തുടർന്ന് ഒരാൾ വ്യാഴാഴ്ച മൂന്ന് കുട്ടികൾക്കൊപ്പം വിഷം കഴിച്ചു.തുംകുരു ജില്ലയിലെ പി.എച്ചിലാണ് സംഭവം. സമീഉല്ല എന്നയാലാണ് വിഷം കഴിച്ചത്. കുട്ടികളുടെ നില ഗുരുതരമായി ബെംഗളൂരുവിലെ ആശുപത്രിയിലാണ് .
മരിച്ച സമിയുള്ളയുടെ ഭാര്യ സാഹിറ ബാനു ഭർത്താവിനോടും മാതാപിതാക്കളോടും പറയാതെ ഇയാളെ ഉപേക്ഷിച്ച് കാമുകനൊപ്പം സൗദി അറേബ്യയിലേക്ക് പോകുകയായിരുന്നുവെന്ന് പോലീസ് പറഞ്ഞു. സൗദി അറേബ്യയിൽ ജോലിക്കാരിയായിരുന്നു സാഹിറ. കാമുകനൊപ്പം ഒരുമിച്ച് താമസിക്കുന്നതിന്റെ വീഡിയോകൾ കാണിച്ച് സാഹിറ ഭർത്താവിനെ പരിഹസിച്ചതായും ഭർത്താവ് കരഞ്ഞുകൊണ്ട് തിരികെ വരാൻ അപേക്ഷിച്ചിട്ടും വീട്ടിൽ തിരിച്ചെത്തിയില്ലെന്നും പോലീസ് കൂട്ടിച്ചേർത്തു.
അമ്മ ഇനി തിരിച്ചുവരില്ലെന്ന് മൂന്ന് മക്കളോട് പറഞ്ഞാണ് സമീയുള്ള അവർക്ക് വിഷം നൽകിയത്. പിന്നീട് ഇയാൾ തന്നെ വിഷം കഴിച്ചു. ആശുപത്രിയിലേക്ക് കൊണ്ടുപോകും വഴി സമീഉല്ല മരിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
വിദ്യാര്‍ഥി സംഘര്‍ഷം; 13 പേര്‍ക്ക് പരിക്ക്
സുല്‍ത്താന്‍ ബത്തേരി: അല്‍ഫോണ്‍സ ആര്‍ട്സ് ആന്‍ഡ് സയന്‍സ് കോളജില്‍ ജൂനിയര്‍, സീനിയര്‍ വിദ്യാര്‍ഥികള്‍ തമ്മില്‍ സംഘര്‍ഷം. 14 പേര്‍ക്കെതിരെ പൊലീസ് കേസെടുത്തു. കുറ്റക്കാരായ വിദ്യാര്‍ഥികളെ കോളജ് അധികൃതര്‍ സസ്പെന്റ് ചെയ്തു. രണ്ടാം വര്‍ഷ ടൂറിസം ബിരുദ വിദ്യാര്‍ഥികളെ ക്ലാസില്‍ കയറി മൂന്നാം വര്‍ഷ വിദ്യാര്‍ഥികള്‍ മര്‍ദിച്ചുവെന്നാണ് മര്‍ദനമേറ്റ വിദ്യാര്‍ഥികള്‍ പറയുന്നത്.
സാരമായി പരിക്കേറ്റ ഷിയാസ്, സിനാന്‍ എന്നിവര്‍ ബത്തേരിയിലെ സ്വകാര്യ ആശുപത്രിയില്‍ ചികിത്സയിലാണ്. ഇവരുടെ മൂക്കിനും ഷോള്‍ഡറിനുമാണ് പരിക്ക്. മറ്റുള്ളവര്‍ പ്രാഥമിക ചികിത്സക്കു ശേഷം വീടുകളിലേക്ക് മടങ്ങി. കഴിഞ്ഞ കുറച്ചു ദിവസങ്ങളായി രണ്ടാം വര്‍ഷ ടൂറിസം ഡിപ്പാര്‍ട്ട്മെന്റ് വിദ്യാര്‍ഥികളും സീനിയേഴ്സും തമ്മില്‍ തര്‍ക്കങ്ങള്‍ നിലനിന്നിരുന്നു. ഇത് അധ്യാപകര്‍ ഇടപെട്ട് പറഞ്ഞുതീര്‍ത്തെങ്കിലും പിന്നീട് ചില വാട്സ് ആപ് മെസേജുകളുമായി ബന്ധപ്പെട്ട് വീണ്ടും തര്‍ക്കമുണ്ടാകുകയായിരുന്നു.
