ബെംഗളൂരു: ബെംഗളൂരു നഗരത്തിൽ ഒഴിച്ചുകൂടാൻ സാധിക്കാത്ത ഒരു യാത്ര മാർഗമാണ് ബെംഗളൂരു നമ്മ മെട്രോ അല്ലെങ്കിൽ ബെംഗളൂരു മെട്രോ . വിപ്ലവം സൃഷ്ടിച്ച ബംഗളൂരു മെട്രോ നിരക്ക് വർധിപ്പിക്കാൻ പോകുകയാണ് കമ്പനി ഇപ്പോൾ. അതിന്റെ ഭാഗമായി ജനങ്ങളുടെ അടുത്ത് നിന്നും നിർദേശങ്ങൾ തേടുന്നു. മെട്രോ പ്രവർത്തനമാരംഭിച്ചത് 2011ലാണ്. അതിന് ശേഷമുള്ള രണ്ടാമത്തെ നിരക്ക് വർധനവാണ് ഇത്. ബെംഗളൂരു മെട്രോ റെയിൽ കോർപറേഷൻ ലിമിറ്റഡ് ബിഎംആർസിഎൽ ആണ് പുതിയ നിരക്ക് പരിഷ്കരണവുമായി ബന്ധപ്പെട്ട കാര്യങ്ങൾ പൊതുജനങ്ങളിൽ നിന്നും നിർദ്ദേശങ്ങൾ അന്വേഷിക്കുന്നത്.
ബെംഗളൂരു മെട്രോ നിരക്ക് വർധിപ്പിക്കുന്നതുമായി ബന്ധപ്പെട്ട കാര്യങ്ങൾ നിർദേശിക്കാനും നിരീക്ഷിച്ച് ഫെയർ ഫിക്സേഷൻ കമ്മിറ്റി നിർദേശങ്ങൾ നൽകാനും കമ്മിറ്റി അന്തിമരൂപം നൽകും. ഒക്ടോബർ 21നകം ‘മെട്രോ റെയിൽ നിരക്ക് ഫിക്സിങ് കമ്മിറ്റി’ക്കാണ് നിർദേശങ്ങൾ നൽകേണ്ടത്. ffc@bmrc.co.in എന്ന ഇ-മെയിൽ വിലാസത്തിൽ നിങ്ങൾക്ക് നിരക്ക് വർധനവ് സംബന്ധിച്ച നിർദേശങ്ങൾ നൽകാം. അല്ലെങ്കിൽ ലെറ്ററിൽ എഴുതി നിർദേശങ്ങൽ പോസ്റ്റ് ചെയ്യാം. ‘മെട്രോ റെയിൽ നിരക്ക് ഫിക്സിങ് കമ്മിറ്റി’ ചെയർമാന് ‘സി’ ബ്ലോക്ക്, ബിഎംടിസി കോംപ്ലക്സ്, കെഎച്ച് റോഡ്, ശാന്തിനഗർ, ബംഗളൂരു 560027 എന്നാണ് വിലാസം.
2017ൽ ടിക്കറ്റ് നിരക്ക് 10-15 ശതമാനത്തോളം ആണ് മെട്രോ അധികൃതർ പരിഷ്കരിച്ചത്. ഇപ്പോഴത്തെ കുറഞ്ഞ നിരക്ക് 10 രൂപയാണ്. കൂടുതൽ നിരക്ക് 60 രൂപയും. മാത്രമല്ല, പർപ്പിൾ, ഗ്രീൻ ലൈനുകളിൽ ദീർഘദൂര യാത്രകൾക്ക് പരമാവധി നിരക്ക് ബാധകമാണ്. സ്മാർട്ട് കാർഡുകളും ക്യു.ആർ കോഡ് ടിക്കറ്റുകളും ഉപയോഗിക്കുന്ന യാത്രക്കാർക്ക് അഞ്ച് ശതമാനം ഇളവ് ഇപ്പോൾ ലഭിക്കുന്നുണ്ട്.നിരക്ക് വർധവ സംവിധാനത്തിൽ പുത്തൻ പരിഷ്കരണം നടപ്പിലാക്കാൻ പോകുമ്പോൾ തന്നെ ബെംഗളൂരുവിൻ്റെ ഗതാഗത സംവിധാനത്തിൽ നമ്മ മെട്രോ വ്യാപിപ്പിക്കുകയാണ് ബെംഗളൂരു മെട്രോ റെയിൽ കോർപറേഷൻ ലിമിറ്റഡ്.
പ്രധാന ഐടി നഗരമായ ബെംഗളൂരുവിന്റെ വിവിധ പ്രദേശങ്ങളിലേക്ക് വ്യാപിപ്പിക്കാൻ ആണ് തീരുമാനിച്ചിരിക്കുന്നത്. നഗരത്തിലുള്ള ആളുകളുടെ നിരക്ക് കണക്കിലെടുത്താണ് തീരുമാനം. നമ്മ മെട്രോയുടെ ഗ്രീൻ ലൈൻ വിപുലീകരണത്തിന് നിയമപരമായ അനുമതി ലഭിച്ചു. ഇനി മെട്രോ നീട്ടുന്നത് സംബന്ധിച്ച പ്രവർത്തനങ്ങൾ തുടങ്ങാം
