ബെംഗളൂരു; രാഷ്ട്രപതി ദ്രൗപതി മുർമു ജൂലൈ 3 ന് മുദ്ദേനഹള്ളി സന്ദർശിക്കാനിരിക്കെ, ചിക്കബെല്ലാപുരയിലെ പ്രശസ്തമായ വിനോദസഞ്ചാര കേന്ദ്രങ്ങളായ നന്ദി ഹിൽസുകളിലേക്കും സ്കന്ദഗിരി കുന്നുകളിലേക്കും പൊതു പ്രവേശനത്തിന് പ്രാദേശിക ഭരണകൂടം നിയന്ത്രണം ഏർപ്പെടുത്തി. ജൂലായ് രണ്ടിന് രാവിലെ ആറ് മുതൽ ജൂലായ് മൂന്നിന് വൈകീട്ട് ആറ് വരെയാണ് നിരോധനം.ശ്രീ സത്യസായി യൂണിവേഴ്സിറ്റി ഫോർ ഹ്യൂമൻ എക്സലൻസിന്റെ ബിരുദദാന ചടങ്ങിനായി പ്രസിഡന്റ് ദ്രൗപതി മുർമു മുദ്ദേനഹള്ളി സന്ദർശിക്കും.
പ്രസിഡന്റ് മുർമുവിന്റെ സന്ദർശനവും കോൺവൊക്കേഷൻ പരിപാടിയും സുഗമമായി നടത്തുന്നതിന് വേണ്ടിയാണ് നിരോധനം ഏർപ്പെടുത്തിയതായി ചിക്കബല്ലാപ്പൂർ ഡെപ്യൂട്ടി കമ്മീഷണർ പി.എൻ.രവീന്ദ്ര പ്രഖ്യാപിച്ചത്.“സുരക്ഷാ ആവശ്യത്തിനായി ക്രിമിനൽ നടപടി ചട്ടത്തിന്റെ (സിആർപിസി) സെക്ഷൻ 144 (3) പ്രകാരം നന്ദിഗിരിധാമയിലേക്കും സ്കന്ദഗിരി കുന്നുകളിലേക്കും പൊതുജനങ്ങൾ പ്രവേശിക്കുന്നത് നിരോധിക്കും എന്നും ഉത്തരവിൽ പറയുന്നു.
പ്രകൃതി സൗന്ദര്യത്തിനും ചരിത്രപരമായ പ്രാധാന്യത്തിനും പേരുകേട്ട വിനോദസഞ്ചാര കേന്ദ്രങ്ങളാണ് നന്ദി ഹിൽസും സ്കന്ദഗിരി കുന്നുകളും. എന്നിരുന്നാലും, സന്ദർശകരോടും താമസക്കാരോടും ഏർപ്പെടുത്തിയ നിയന്ത്രണങ്ങൾ മാനിക്കാനും നിർദ്ദിഷ്ട കാലയളവിൽ ഈ സൈറ്റുകൾ സന്ദർശിക്കുന്നത് ഒഴിവാക്കാനും നിർദ്ദേശിച്ചിട്ടുണ്ട്.
ഫിറ്റ്നെസ്സ് ടിപ്സ് നല്കുന്ന യൂട്യൂബര് 30-ാം വയസില് അന്തരിച്ചു; യുവാവിന്റെ അന്ത്യം അന്യൂറിസം മൂലം
ഫിറ്റ്നെസ്സ് ഇൻഫ്ളുവൻസറും ജെര്മ്മൻ യൂട്യൂബറുമായ ജോ ലിൻഡെര് അന്തരിച്ചു. 30-ാം വയസിലായിരുന്നു അന്ത്യം.അന്യൂറിസം മൂലമായിരുന്നു യുവാവിന്റെ വേര്പാട്. കാമുകി നിച്ചയാണ് ലിൻഡെറിന്റെ മരണവാര്ത്ത സ്ഥിരീകരിച്ചത്.ഇൻസ്റ്റഗ്രാമില് 8.5 ദശലക്ഷം ഫോളോവേഴ്സുള്ള ഫിറ്റ്നെസ്സ് ഇൻഫ്ളുവൻസറിന് യൂട്യൂബില് ഒമ്ബതര ലക്ഷം സബ്സ്ക്രൈബേഴ്സുമുണ്ട്. ഫിറ്റ്നെസ്സ് സംബന്ധിച്ച് ധാരാളം നുറുങ്ങുവിദ്യകള് പങ്കുവക്കുന്ന ലിൻഡെറിന് സോഷ്യല് മീഡിയയില് ആരാധകരേറെയാണ്.
ലിൻഡെറിന്റെ അപ്രതീക്ഷിത മരണം വലിയ നടുക്കമാണ് ആരാധകര്ക്കിടയില് ഉണ്ടാക്കിയിരിക്കുന്നത്.ലിൻഡെറിന്റെ മരണത്തിന് കാരണമായ അന്യൂറിസം എന്ന രോഗാവസ്ഥ രക്തക്കുഴലുകളെ ബാധിക്കുന്ന ആരോഗ്യ പ്രശ്നമാണ്. മൂന്ന് ദിവസം മുമ്ബ് കലശലായ കഴുത്ത് വേദന അനുഭവപ്പെട്ടതിന് പിന്നാലെയാണ് ലിൻഡെറിനെ ആശുപത്രിയില് പ്രവേശിപ്പിച്ചത്. എന്നാല് വൈദ്യ പരിശോധന നടത്തി രോഗം സ്ഥിരീകരിച്ചപ്പോഴേക്കും ഏറെ വൈകിയെന്ന് കാമുകി നിച്ച പറയുന്നു.
