ബെംഗളൂരു: ബെംഗളൂരുവിൽ ഗെയിൽ പാചകവാതക പൈപ്പ് ലൈൻ പൊട്ടി സ്ഫോടനം. ബെംഗളൂരു എച്ച്എസ്ആർ ലേഔട്ടിലാണ് സംഭവം. അപകടത്തിൽ രണ്ട് സ്ത്രീകൾക്ക് പരിക്കേറ്റു. രണ്ട് വീടുകൾക്കും നാശനഷ്ടമുണ്ടായി. അപകടം നടന്ന സ്ഥലത്തുനിന്നുള്ള സിസിടിവി ദൃശ്യങ്ങളും പുറത്തുവന്നിട്ടുണ്ട്.വ്യാഴാഴ്ച ഉച്ചയോടെയാണ് അപകടമുണ്ടായത്. സ്ഫോടനം നടന്ന സ്ഥലത്തിന് സമീപം കുടിവെള്ള പൈപ്പിടുന്നതിനായി കുഴിയെടുത്ത് നിർമാണ ജോലികൾ നടന്നിരുന്നു. ഇതിനിടയിൽ പാചക വാതക പൈപ്പ് ലൈനിന് കേടുപാടുപറ്റിയതാണ് സമീപത്തെ വീടുകളിൽ പൊട്ടിത്തെറിക്ക് കാരണമെന്നാണ് പ്രാഥമിക നിഗമനം.അപകടത്തിൽ പരിക്കേറ്റവരുടെ ആരോഗ്യസ്ഥിതി ഗുരുതരമല്ലെന്നാണ് വിവരം. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
കോവിഡ് കേസുകളിലെ വര്ധന; അണുബാധ തടയാന് കേരളം അടക്കം ആറ് സംസ്ഥാനങ്ങള്ക്ക് കത്തയച്ച് കേന്ദ്രം
ന്യൂഡല്ഹി: കോവിഡ് കേസുകള് വര്ദ്ധിക്കുന്ന സാഹചര്യത്തില്, പ്രത്യേകിച്ച് ആറ് സംസ്ഥാനങ്ങളില്, വൈറല് അണുബാധയുടെ പെട്ടെന്നുള്ള വര്ദ്ധനവ് നിയന്ത്രിക്കുന്നതില് ശ്രദ്ധ കേന്ദ്രീകരിക്കണമെന്ന് ആവശ്യപ്പെട്ട് കേന്ദ്രം കത്തെഴുതി.മഹാരാഷ്ട്ര, ഗുജറാത്ത്, തെലങ്കാന, തമിഴ്നാട്, കേരളം, കര്ണാടക എന്നീ സംസ്ഥാനങ്ങള്ക്ക് പരിശോധന, ചികിത്സ, ട്രാക്കിംഗ്, വാക്സിനേഷന് എന്നിവയില് ഊന്നല് നല്കണമെന്ന് ആവശ്യപ്പെട്ട് കേന്ദ്ര ആരോഗ്യ സെക്രട്ടറി ബുധനാഴ്ച കത്തയച്ചു.
“അണുബാധയുടെ വ്യാപനത്തെ സൂചിപ്പിക്കുന്ന കൂടുതല് കേസുകള് റിപ്പോര്ട്ട് ചെയ്യുന്ന ചുരുക്കം ചില സംസ്ഥാനങ്ങളുണ്ട്. അണുബാധക്കെതിരായ പോരാട്ടത്തില് ഇതുവരെ നേടിയ നേട്ടങ്ങള് നഷ്ടപ്പെടുത്താതെ, അണുബാധ തടയുന്നതിനും നിയന്ത്രിക്കുന്നതിനും അപകടസാധ്യത വിലയിരുത്തല് അടിസ്ഥാനമാക്കിയുള്ള സമീപനം പിന്തുടരേണ്ടതുണ്ട്. കത്തില് പറയുന്നു.
വ്യാഴാഴ്ച രാവിലെ അപ്ഡേറ്റ് ചെയ്ത കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം നാല് മാസത്തെ ഇടവേളക്ക് ശേഷം ഒരു ദിവസം 700-ലധികം കോവിഡ് കേസുകള് റിപ്പോര്ട്ട് ചെയ്യപ്പെട്ടു.രാജ്യത്ത് സജീവമായ കേസുകളുടെ എണ്ണം 4,623 ആയി. കഴിഞ്ഞ വര്ഷം നവംബര് 12 ന് രാജ്യത്ത് 734 കേസുകളാണ് റിപ്പോര്ട്ട് ചെയ്തത്. “സംസ്ഥാനങ്ങള് കര്ശനമായ നിരീക്ഷണം പാലിക്കേണ്ടതും അണുബാധയുടെ ഉയര്ന്നുവരുന്ന വ്യാപനം നിയന്ത്രിക്കുന്നതിന് ആശങ്കയുള്ള ഏതെങ്കിലും മേഖലകളില് ആവശ്യമെങ്കില് മുന്കൂര് നടപടിയെടുക്കേണ്ടതും അത്യാവശ്യമാണ്” -കത്തില് പറയുന്നു.
