ബെംഗളൂരു : വീടിനു മുന്നിൽ കെട്ടിയിട്ടിരുന്ന പശുവിനെ മോഷ്ടിച്ച് കശാപ്പു ചെയ്ത് മാംസം വിൽക്കാനായി കൊണ്ടു പോകുന്നതിനിടെ 2 പേരെ പൊലീസ് അറസ്റ്റ് ചെയ്തു. എച്ച്ബിആർ-ലേഔട്ടിൽ ഹെഡ്ലൈറ്റിടാതെ പോകുകയായിരുന്ന ഓട്ടോറിക്ഷ പൊലീസ് തടഞ്ഞുനിർത്തി നടത്തിയ പരിശോധനയിലാണ് ഗോമാംസം പിടികൂടിയത്.
തുടർന്ന് സയദ് ബർക്കത്ത്, ഇമാൻ പാഷ എന്നിവരെ അറസ്റ്റ് ചെയ്യുകയായിരുന്നു. ഇവർക്കൊപ്പം ഓട്ടോയിലുണ്ടായിരുന്ന സുഹൈൽ കടന്നുകളഞ്ഞു. ഇയാൾക്കായി തിരച്ചിൽ വ്യാപിപ്പിച്ചു. മൂവർക്കുമെതിരെ ഗോവധ നിരോധന നിയമപ്രകാരം കേസെടുത്തു.
