തിരുവനന്തപുരത്ത് നിന്ന് ബെംഗളൂരുവിലേക്ക് പോയ ബസ്സിന് തീപ്പിടിച്ചു. തമിഴ്നാട്ടിലെ ഈറോഡിന് സമീപം ശനിയാഴ്ച രാവിലെ ഏഴോടെയായിരുന്നു അപകടം.ജയ് സായ് റോഡ് ലിങ്ക്സിന്റെ ബസ്സാണ് കത്തിയത്. പുക ഉയരുന്നതുകണ്ട് യാത്രക്കാർ ബഹളംവെച്ചതോടെ ബസ് നിർത്തുകയായിരുന്നു. ബസ്സിലുണ്ടായിരുന്ന അഗ്നിശമന സംവിധാനം ഉപയോഗിച്ച്‌ ജീവനക്കാരാണ് പിന്നീട് തീയണച്ചത്. യാത്രക്കാർക്ക് പരിക്കേല്‍ക്കുകയോ ബസ്സിന് കാര്യമായ കേടുപാടുകള്‍ സംഭവിക്കുകയോ ചെയ്തിട്ടില്ല. അൻപതോളം യാത്രക്കാരാണ് ബസ്സിലുണ്ടായിരുന്നത്.
യാത്രക്കാര്‍ ബസ് അധികൃതരെ ഫോണില്‍ ബന്ധപ്പെട്ടാന്‍ ശ്രമിച്ചിട്ട് പ്രതികരിക്കുന്നില്ലെന്നാണ് യാത്രക്കാര്‍ പറയുന്നത്. തുടര്‍യാത്രയ്‌ക്കുള്ള ക്രമീകരണങ്ങള്‍ ഇതുവരെ ചെയ്തിട്ടില്ലെന്നും അവര്‍ അറിയിച്ചു.
പരിസരം മറന്ന് വഴക്കടിച്ച്‌ അഭിഷേകും ഐശ്വര്യയും; ഇത് വീടല്ലെന്ന് ആരാധകര്‍
സമീപകാലത്ത് ബോളിവുഡില്‍ വിവാഹ മോചനവുമായി ബന്ധപ്പെട്ട് ഏറെ ചർച്ചകള്‍ക്ക് വഴി തുറന്ന താര ദമ്ബതികളാണ് ഐശ്വര്യ റായിയും അഭിഷേക് ബച്ചനും.ഇരുവരും വേർപിരിയാൻ പോകുന്നു എന്ന തരത്തില്‍ വ്യാപകമായി അഭ്യൂഹങ്ങള്‍ ഉയർന്നിരുന്നു. എന്നാല്‍ വേർപിരിയല്‍ പ്രചരണങ്ങള്‍ക്കെതിരെ ഇരുവരും നിലപാട് വ്യക്തമാക്കിയിട്ടുമില്ല. ഇപ്പോള്‍ പൊതുവിടത്ത് നിന്ന് പോരടിക്കുന്ന അഭിഷേകിന്റെയും ഐശ്വര്യയുടെയും കഴിഞ്ഞ വർഷത്തെ വീഡിയോയാണ് വൈറലാകുന്നത്.പിങ്ക് പാന്തേഴ്സിന്റെ കബഡി മത്സരത്തിനിടയില്‍ അഭിഷേകിനും ഐശ്വര്യയ്ക്കും ഒപ്പം മകള്‍ ആരാധ്യയും അഭിഷേകിന്റെ സഹോദരിയുടെ മകള്‍ നവ്യയും ഗ്യാലറിയില്‍ ഇരിക്കുന്നു. ഇതിനിടയില്‍ അഭിഷേകും ഐശ്വര്യയും വഴക്കിടുന്നു.
തർക്കം മുറുകിയതോടെ ഐശ്വര്യയുടെ കയ്യില്‍പിടിച്ച്‌ അഭിഷേക് എന്തോ പറയുന്നുമുണ്ട്. അതിനെ തുടർന്നുണ്ടായ അതൃപ്തിയും ദേഷ്യവും ഐശ്വര്യയുടെ മുഖത്ത് പ്രകടമാകുന്നതും വീഡിയോയിലൂടെ കാണാം.വീഡിയോ വൈറലായതിന് പിന്നാലെ ഇരുവരെയും ശകാരിച്ച്‌ നിരവധി പേരാണ് സമൂഹ മാധ്യമങ്ങളില്‍ എത്തുന്നത്.
ഇത് വീടല്ലെന്നും പൊതുവേദിയില്‍ അല്പം മാന്യത കാണിക്കാമെന്ന ഉപദേശവും ആരാധകർ നല്‍കുന്നു. അതേസമയം മറ്റൊരു കൂട്ടർ , അവരും മനുഷ്യരാണെന്നും ഭാര്യയും ഭർത്താവും പരസ്പരം വഴക്കിടുന്നത് സർവ്വസാധാരണമാണെന്നും പറയുന്നു.കഴിഞ്ഞ വർഷം പുറത്തിറങ്ങിയ വീഡിയോ ഇരുവരുടെയും വിവാഹമോചന വാർത്തകള്‍ പ്രചരിക്കുന്നതിന്റെ പശ്ചാത്തലത്തിലാണ് വീണ്ടും വൈറലാകുന്നത്
