ബെംഗളൂരു: മൈസൂർ ബാങ്ക് സർക്കിൾ മുതൽ മഹാറാണി കോളേജ് അണ്ടർപാസ് വരെയുള്ള പാലസ് റോഡ്, ടെൻഡർഷുവറിന് കീഴിൽ ഭൂഗർഭ പൈപ്പ് ലൈൻ ജോലികൾ സുഗമമാക്കുന്നതിന് ഓഗസ്റ്റ് 7 മുതൽ 13 വരെ എല്ലാ വാഹന ഗതാഗതവും അടച്ചിടും.തുടർന്നുള്ള വഴിതിരിച്ചുവിടലുകൾ ട്രാഫിക് പൊലീസ്ഏർപ്പെടുത്തിയിട്ടുണ്ട്.
1. ചാലൂക്യ (ബസവേശ്വര) സർക്കിളിൽ നിന്ന് മൈസൂർ ബാങ്ക് സർക്കിളിലേക്ക് പോകുന്ന വാഹനങ്ങൾ മഹാറാണി കോളേജ് അണ്ടർപാസിന് സമീപം ഇടത്തോട്ട് തിരിഞ്ഞ് കെആർ സർക്കിളിൽ എത്തി പോസ്റ്റ് ഓഫീസ് റോഡിൽ വലത്തേക്ക് തിരിഞ്ഞ് മൈസൂർ ബാങ്ക് സർക്കിളിലെത്തണം.
2. മൈസൂർ ബാങ്ക് സർക്കിളിൽ നിന്ന് ചാലൂക്യ (ബസവേശ്വര) സർക്കിളിലേക്ക് പോകുന്ന വാഹനങ്ങൾ വലതുവശത്തെ റോഡിലൂടെ (കിഴക്ക് ദിശയിൽ) ഏകദേശം 200 മീറ്ററോളം നീങ്ങണം., തുടർന്ന് ഇടത് വശത്തേക്ക് പടിഞ്ഞാറ് ദിശയിൽ) ലെയിൻ മാറ്റി മഹാറാണി കോളേജ് അണ്ടർപാസിലേക്ക് നീങ്ങുക.
