ബംഗളൂരു: ഫ്ലാറ്റിന് പുറത്ത് കളിച്ചു കൊണ്ടിരുന്ന മൂന്നു വയസുകാരി കാര്‍ കയറി മരിച്ചു. ബംഗളൂരുവിലാണ് അപകടമുണ്ടായത്.കാര്‍ കുട്ടിയെ ഇടിക്കുന്നതിന്‍റെ സി.സി ടിവി ദൃശ്യങ്ങള്‍ പുറത്തുവന്നിട്ടുണ്ട്.ഫ്ലാറ്റില്‍ നിന്ന് പുറത്തേക്ക് ഇറങ്ങി വരുന്ന കാര്‍ റോഡില്‍ ഇരിക്കുന്ന കുട്ടിയെ ഇടിക്കുകയും താഴെ വീണ കുട്ടിയുടെ മുകളിലൂടെ ഡയര്‍ കയറി ഇറങ്ങുകയും ചെയ്യുകയായിരുന്നു. റോഡ് വഴി നടന്നു പോയ ആളാണ് അപകടത്തില്‍പ്പെട്ട കുട്ടിയെ ആദ്യം കാണുന്നത്. അപകട മരണത്തിന് പൊലീസ് കേസ് രജിസ്റ്റര്‍ ചെയ്തു. ഫ്ലാറ്റിലെ സുരക്ഷാ ജീവനക്കാരന്‍റെ കുട്ടിയാണ് അപകടത്തില്‍പ്പെട്ടതെന്ന് പൊലീസ് അന്വേഷണത്തില്‍ കണ്ടെത്തി. തലക്കേറ്റ ഗുരുതര പരിക്കാണ് മരണ കാരണമെന്ന് പോസ്റ്റ് മോര്‍ട്ടം റിപ്പോര്‍ട്ട് പറയുന്നു.
എട്ടുമാസത്തെ തിരച്ചില്‍, ഒടുവില്‍ ബഹിരാകാശത്ത് നിന്ന് കാണാതായ തക്കാളികള്‍ കണ്ടെത്തി; ചിത്രങ്ങള്‍ പങ്കുവെച്ച്‌ നാസ
ബഹിരാകാശ നിലയില്‍ നിന്ന് കാണാതായ രണ്ട് കുഞ്ഞ് തക്കാളികള്‍ക്ക് വേണ്ടി എട്ടുമാസമാണ് ബഹിരാകാശ യാത്രികനായ ഫ്രാങ്ക് റൂബിയോ തെരച്ചില്‍ നടത്തിയത്.ഒടുവില്‍ കഴിഞ്ഞ ആഴ്ചയാണ് കാണാതായ തക്കാളികളെ കണ്ടെത്തിയ വാര്‍ത്ത പുറത്ത് വന്നത്. ഇപ്പോഴിതാ കാണാതായ തക്കാളികളുടെ ചിത്രം പങ്കുവെച്ചിരിക്കുകയാണ് നാസ.കഴിഞ്ഞമാര്‍ച്ച്‌ മാസത്തിലാണ് രാജ്യാന്തര ബഹിരാകാശ നിലയില്‍ നിന്ന് തക്കാളികള്‍ അപ്രത്യക്ഷമായത്. മണ്ണ് ഇല്ലാതെയാണ് രണ്ട് സെന്റീമീറ്റര്‍ വ്യാസമുള്ള തക്കാളികള്‍ പരീക്ഷണത്തിലൂടെ വിളയിച്ചെടുത്തത്. എന്നാല്‍ പെട്ടന്നൊരു ദിവസം തക്കാളി കാണാതായെന്നാണ് റൂബിയോ പറഞ്ഞത്.
താനൊരു സിപ്പ് ലോക്ക് ബാഗിലായിരുന്നു തക്കാളി സൂക്ഷിച്ചിരുന്നതെന്നും എന്നാല്‍ പിന്നീടത് കാണാതായെന്നും റൂബിയോ പറഞ്ഞു. ഏകദേശം 20 മണിക്കൂറോളം താൻ തക്കാളിക്ക് വേണ്ടി തിരച്ചിലും നടത്തിയെന്നും റൂബിയോ പറഞ്ഞു. എന്നാല്‍ ഫ്രാങ്ക് റൂബിയോ രഹസ്യമായി തക്കാളി കഴിച്ചിട്ടുണ്ടാകും എന്ന രീതിയിലും പ്രചാരണമുണ്ടായി. എന്നാല്‍ അക്കാര്യം റൂബിയോ നിഷേധിക്കുകയും ചെയ്തു. സെപ്തംബര്‍ 27 ന് റൂബിയോ ഭൂമിയിലേക്ക് മടങ്ങുകയും ചെയ്തു. ഈ മാസം ആദ്യമാണ് തക്കാളി കണ്ടെത്തിയെന്ന വിവരം ബഹിരാകാശ നിലയത്തിലെ യാത്രിക ജാസ്മിൻ മൊഘ്‌ബേലി അറിയിച്ചത്.എന്നാല്‍ ഇതിന്റെ ചിത്രങ്ങളൊന്നും പുറത്ത് വിട്ടിട്ടില്ലായിരുന്നു.
നാസയാണ് ഇപ്പോള്‍ തക്കാളിയുടെ ചിത്രവും അതിന്റെ ഇപ്പോഴത്തെ അവസ്ഥയും പുറത്ത് വിട്ടിരിക്കുന്നത്. തക്കാളി ചെറുതായി ഉണങ്ങിത്തുടങ്ങിയിട്ടുണ്ട്. അവയുടെ നിറവും മാറിയിച്ചുണ്ട്. എന്നാല്‍ സൂക്ഷ്മജീവികളോ ഫംഗസുകളോടെ സാന്നിധ്യമോ ഈ തക്കാളിയില്‍ കണ്ടെത്തിയിട്ടില്ലെന്നും നാസ വെളിപ്പെടുത്തി. തക്കാളിയുടെ വീഡിയോയും നാസ സോഷ്യല്‍മീഡിയ പേജില്‍ പങ്കുവെച്ചിട്ടുണ്ട്. ഏതായാലും’തക്കാളിക്കള്ളൻ’ എന്ന ചീത്തപ്പേര് മാറിയ മാറിയ സന്തോഷത്തിലാണ് ബഹിരാകാശ സഞ്ചാരിയായ ഫ്രാങ്ക് റൂബിയോ.
