ബെംഗളൂരു: അപ്പാർട്മെന്റുകൾ കേന്ദ്രീകരിച്ച് മോഷണം നടത്തുന്ന നേപ്പാൾ സ്വദേശികളായ 5 പേർ പിടിയിൽ. 19 ലക്ഷം രൂപയുടെ സ്വർണാഭരണങ്ങൾ, 9.3 ലക്ഷം രൂപ എന്നിവയാണ് കണ്ടെടുത്തത്. ഹൊറമാവിലെ അപ്പാർട്മെന്റിൽ മോഷണത്തിനെത്തിയ സംഘത്തെ രാത്രി പട്രോളിങ് നടത്തുകയായിരുന്ന ഹെന്നൂർ പൊലീസാണ് പിടികൂടിയത്. സംഘത്തിലെ മറ്റുള്ളവർക്കായി അന്വേഷണം ഊർജിതമാക്കിയതായി പൊലീസ് പറഞ്ഞു. ഒരേ സമയം വിവിധ മേഖലകളിൽ കവർച്ച നടത്തി മുങ്ങുന്നതാണ് ഇവരുടെ രീതി.
