കൊച്ചി: ട്രാവല് വ്ളോഗര്മാരായ ഇ-ബുള്ജെറ്റ് സഹോദരന്മാരുടെ ഹര്ജി ഹൈക്കോടതി തള്ളി. നിയമവിരുദ്ധമായി രൂപമാറ്റം വരുത്തിയ വാഹനത്തിന്റെ രജിസ്ട്രേഷന് റദ്ദാക്കാന് മോട്ടോര്വാഹന വകുപ്പ് നോട്ടീസ് നല്കിയതിനെതിരേയാണ് കണ്ണൂര് കിളിയന്തറ സ്വദേശി എബിന് വര്ഗീസും സഹോദരന് ലിബിന് വര്ഗീസും കോടതിയെ സമീപിച്ചത്.
ജസ്റ്റിസ് സതീഷ് നൈനാന്റെ ബെഞ്ചാണ് ഹര്ജി പരിഗണിച്ചത്. മോട്ടോര്വാഹന നിയമപ്രകാരമുള്ള നടപടിയാണ് സ്വീകരിച്ചതെന്ന് സര്ക്കാര് വിശദീകരിച്ചു. സര്ക്കാരിന്റെ നടപടിയില് ഇടപെടാന് കാരണമില്ലെന്നു ചൂണ്ടിക്കാട്ടിയാണ് ഹര്ജി തള്ളിയത്. വാഹനത്തില് അനധികൃതമായി മാറ്റങ്ങള് വരുത്തിയത് കണ്ടെത്തിയതിനെത്തുടര്ന്ന് മോട്ടോര്വാഹന വകുപ്പ് വാഹനം പിടിച്ചെടുത്തിരുന്നു.
