ബെംഗളൂരുവില്‍ യാത്രയ്ക്കിടെ ഒല ക്യാബ് ഡ്രൈവര്‍ ഒരു യാത്രക്കാരിയുടെ മുന്നില്‍ സ്വയംഭോഗം ചെയ്തു എന്ന് പരാതി.മാധ്യമപ്രവര്‍ത്തകയായ യുവതി സോഷ്യല്‍ മീഡിയയില്‍ ഇക്കാര്യം ഉന്നയിച്ചതോടെയാണ് വിഷയം പുറത്തറിഞ്ഞത്. ജോലി കഴിഞ്ഞ് ഒല കാബില്‍ വീട്ടിലേക്ക് പോകുമ്ബോഴായിരുന്നു സംഭവം. താന്‍ അത് ശ്രദ്ധിച്ചില്ല എന്ന് കരുതി ഡ്രൈവര്‍ തന്റെ മുന്നില്‍ വെച്ച്‌ സ്വയംഭോഗം ചെയ്തുവെന്ന് അവര്‍ സോഷ്യല്‍ മീഡിയ പോസ്റ്റില്‍ പറയുന്നു. ക്യാബ് ഡ്രൈവര്‍ ‘താന്‍ ധരിച്ചിരുന്ന ധോത്തി മൂടുകയും കുഴപ്പമൊന്നുമില്ലെന്ന് നടിക്കുകയും ചെയ്തു’ എന്ന് യുവതി പറയുന്നു.
എങ്ങനെയോ ധൈര്യം സംഭരിച്ച്‌ അലറി വിളിച്ച്‌ ഡ്രൈവറെ ക്യാബ് നിര്‍ത്താന്‍ പ്രേരിപ്പിച്ചുവെന്നും അവര്‍ കൂട്ടിച്ചേര്‍ത്തു. ഞാന്‍ ഒരു ഇരുണ്ട തെരുവിന്റെ നടുവിലായിരുന്നു, കഷ്ടിച്ച്‌ മിന്നുന്ന തെരുവ് വിളക്കുകള്‍ മാത്രമേ അവിടെ ഉണ്ടായിരുന്നുള്ളൂ. ഡ്രൈവര്‍ വണ്ടി നിര്‍ത്തി. യുവതി ഇറങ്ങിയ ശേഷം അയാള്‍ വണ്ടിയോടിച്ചു പോയി. ഈ സാഹചര്യത്തില്‍ തനിക്ക് എമര്‍ജന്‍സി കോണ്‍ടാക്റ്റ് നമ്ബര്‍ ഉപയോഗിക്കാന്‍ കഴിഞ്ഞില്ലെന്നും വീട്ടിലെത്താന്‍ മറ്റൊരു സവാരി ബുക്ക് ചെയ്തെന്നും യുവതി വിശദമാക്കി. സംഭവം പുറത്തറിഞ്ഞയുടന്‍, ക്യാബ് ഡ്രൈവറെ സസ്‌പെന്‍ഡ് ചെയ്തതായി ഒല ബാംഗ്ലൂര്‍ കാബുകള്‍ അവര്‍ക്ക് ഉറപ്പുനല്‍കി, പരാതി എടുത്തിട്ടുമുണ്ട്. കേസ് പരിഹരിച്ചതായി അവര്‍ മാധ്യമപ്രവര്‍ത്തകയ്ക്ക് ഇമെയില്‍ അയച്ചു.
സംഭവം ശ്രദ്ധയില്‍പ്പെട്ട ബെംഗളൂരു സിറ്റി പോലീസ് മാധ്യമപ്രവര്‍ത്തകയോട് മാപ്പ് പറയുകയും പരാതി നല്‍കിയിട്ടുണ്ടെന്ന് പറയുകയും ചെയ്തു. പ്രതിയെ പിടികൂടാന്‍ ഒരു സംഘം നേരത്തെ തന്നെ പ്രവര്‍ത്തനമാരംഭിച്ചിട്ടുണ്ട്. മാത്രവുമല്ല, ഒല ക്യാബുകളുമായും പ്രശ്നം ചര്‍ച്ച ചെയ്തിട്ടുണ്ട്. സംഭവത്തില്‍ ഖേദം പ്രകടിപ്പിക്കുന്നതായും പ്രതികളെ ഉടന്‍ അറസ്റ്റ് ചെയ്യുമെന്നും ബെംഗളൂരു പോലീസ് കമ്മീഷണര്‍ കമല്‍ പന്ത് പറഞ്ഞു.
