സ്റ്റേറ്റ് ബാങ്ക് ഓഫ് ഇന്ത്യ (എസ്.ബി.ഐ) 2056 പ്രബേഷനറി ഓഫിസര്‍മാരെ റിക്രൂട്ട് ചെയ്യുന്നു. (പരസ്യ നമ്ബര്‍ CRPD/PO/2021-22/18). വിശദ വിവരങ്ങളടങ്ങിയ ഔദ്യോഗിക വിജ്ഞാപനം https://bank.sbi/careersല്‍നിന്നും ഡൗണ്‍ലോഡ് ചെയ്യാം. തെരഞ്ഞെടുക്കപ്പെടുന്നവര്‍ക്ക് ഇന്ത്യയിലെവിടെയും നിയമനം ലഭിക്കാം. ആകെയുള്ള ഒഴിവുകളില്‍ ഒ.ബി.സി- 560, SC- 324, ST- 162, EWS- 200 എന്നിങ്ങനെ സംവരണം ഏര്‍പ്പെടുത്തിയിട്ടുണ്ട്. നിശ്ചിത ഒഴിവുകളില്‍ ഭിന്നശേഷിക്കാര്‍ക്കും നിയമനം ലഭിക്കും. ജനറല്‍ വിഭാഗത്തില്‍ 810 ഒഴിവുകള്‍ ലഭ്യമാണ്. ശമ്ബളനിരക്ക് 36,000-63,840 രൂപ.
ഭാരത പൗരന്മാര്‍ക്ക് അപേക്ഷിക്കാം. ഏതെങ്കിലും ഡിസിപ്ലിനില്‍ ബിരുദമുണ്ടായിരിക്കണം. അവസാന വര്‍ഷ/സെമസ്റ്റര്‍ ബിരുദ വിദ്യാര്‍ഥികളെയും പരിഗണിക്കും. 2021 ഡിസംബര്‍ 31നകം യോഗ്യത തെളിയിച്ചാല്‍ മതി. ഇന്‍റഗ്രേറ്റഡ് ഡ്യുവല്‍ ഡിഗ്രി/ചാര്‍േട്ടഡ് അക്കൗണ്ടന്‍സി കോസ്റ്റ് അക്കൗണ്ടന്‍റ് യോഗ്യതയുള്ളവര്‍ക്കും അപേക്ഷിക്കാവുന്നതാണ്. പ്രായപരിധി 1.4.2021ല്‍ 21-30 വയസ്സ്. 2000 ഏപ്രില്‍ ഒന്നിനുശേഷമോ 1991 ഏപ്രില്‍ രണ്ടിനു മുേമ്ബാ ജനിച്ചവരാകരുത്. സംവരണ വിഭാഗങ്ങളില്‍പെടുന്നവര്‍ക്ക് പ്രായപരിധിയില്‍ ചട്ടപ്രകാരം ഇളവ് അനുവദിച്ചിട്ടുണ്ട്.
അപേക്ഷ ഫീസ് 750 രൂപ. SC/ST/PWD വിഭാഗങ്ങളില്‍പെടുന്നവര്‍ക്ക് ഫീസില്ല. നിര്‍ദേശാനുസരണം രജിസ്റ്റര്‍ ചെയ്ത് അപേക്ഷ ഓണ്‍ലൈനായി ഒക്ടോബര്‍ 25നകം സമര്‍പ്പിക്കണം. െഡബിറ്റ്/െക്രഡിറ്റ് കാര്‍ഡ്/ഇന്‍റര്‍നെറ്റ് ബാങ്കിങ് മുഖാന്തരം ഫീസ് അടക്കാം. വിജ്ഞാപനത്തിലെ നിര്‍ദേശങ്ങള്‍ മനസ്സിലാക്കി വേണം അപേക്ഷിക്കേണ്ടത്.
സെലക്ഷന്‍ നടപടികള്‍ മൂന്നു ഘട്ടമായാണ്. ആദ്യഘട്ടം പ്രിലിമിനറി പരീക്ഷയില്‍ ഒബ്ജക്ടിവ് മാതൃകയില്‍ ഇംഗ്ലീഷ് ലാംഗ്വേജ്, ക്വാണ്ടിറ്റേറ്റിവ് ആപ്റ്റിറ്റ്യൂഡ്, റീസണിങ് എബിലിറ്റി എന്നിവയില്‍ 100 ചോദ്യങ്ങളുണ്ടാകും. പരമാവധി 100 മാര്‍ക്കിന്. ഒരു മണിക്കൂര്‍ സമയം ലഭിക്കും. രണ്ടാംഘട്ടം മെയിന്‍ പരീക്ഷയില്‍/ഒബ്ജക്ടിവ് ടെസ്റ്റില്‍ റീസണിങ് & കമ്ബ്യൂട്ടര്‍ ആപ്റ്റിറ്റ്യൂഡ്, േഡറ്റ അനാലിസിസ് ആന്‍ഡ് ഇന്‍റര്‍പ്രട്ടേഷന്‍ ജനറല്‍/ഇക്കണോമി/ബാങ്കിങ് അവയര്‍നെസ്, ഇംഗ്ലീഷ് ലാംഗ്വേജ് എന്നിവയില്‍ 155 ചോദ്യങ്ങളുണ്ടാകും. 200 മാര്‍ക്കിന് 3 മണിക്കൂര്‍ സമയം ലഭിക്കും. ഒപ്പമുള്ള ഡിസ്ക്രിപ്റ്റിവ് ടെസ്റ്റില്‍ കത്ത്/ഉപന്യാസമെഴുത്ത്, 50 മാര്‍ക്കിന്, 30 മിനിറ്റ് സമയം അനുവദിക്കും. മൂന്നാംഘട്ടം ഇന്‍റര്‍വ്യൂ, ഗ്രൂപ് എക്സര്‍സൈസ്, 50 മാര്‍ക്കിന്. കേരളത്തില്‍ പ്രിലിമിനറിക്ക് ആലപ്പുഴ, കണ്ണൂര്‍, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തൃശൂര്‍, തിരുവനന്തപുരം എന്നിവിടങ്ങളും മെയിന്‍ പരീക്ഷക്ക് കൊച്ചിയും തിരുവനന്തപുരവും പരീക്ഷകേന്ദ്രങ്ങളാണ്. മെറിറ്റടിസ്ഥാനത്തില്‍ തെരഞ്ഞെടുക്കപ്പെടുന്നവരെ 41,960 രൂപ അടിസ്ഥാനത്തില്‍ നിയമിക്കും. ക്ഷാമബത്ത, വീട്ടുവാടക ഉള്‍െപ്പടെ മറ്റ് ആനുകൂല്യങ്ങളുമുണ്ട്.
