തിരുവനന്തപുരം: ഒറ്റത്തവണ ഉപയോഗിക്കുന്ന പ്ലാസ്റ്റിക് ഉത്പന്നങ്ങള്ക്കുള്ള നിരോധനം ഇന്നു പ്രാബല്യത്തില് വരും.കേന്ദ്ര സംസ്ഥാന സര്ക്കാരുകള് പുറപ്പെടുവിച്ച നിരോധന ഉത്തരവുകള് പ്രകാരമുള്ള ഒറ്റത്തവണ ഉപയോഗത്തിലുളള നിശ്ചിത പ്ലാസ്റ്റിക് ഉത്പന്നങ്ങള്ക്കാണു നിരോധനം. നിരോധിത ഉത്പന്നങ്ങള് ഉത്പാദിപ്പിക്കുന്നവര്ക്കും വില്ക്കുന്നവര്ക്കും ഉപയോഗിക്കുന്നവര്ക്കുമെതിരേ കര്ശന നിയമ നടപടിയുണ്ടാകും.
കേന്ദ്ര സര്ക്കാര് നിരോധിച്ച ഉത്പന്നങ്ങള്‍ക്കു പുറമേ 2020 ജനുവരി, ഫെബ്രുവരി, മേയ് മാസങ്ങളിലായി സംസ്ഥാന പരിസ്ഥിതി വകുപ്പ് പുറപ്പെടുവിച്ച ഉത്തരവുകള് പ്രകാരമുള്ള ഉത്പന്നങ്ങളും നിരോധനത്തിന്റെ പരിധിയില് വരും. തുടക്കത്തില് 10,000 രൂപ മുതല് 50,000 രൂപ വരെ പിഴ ലഭിക്കും.കുറ്റം ആവര്ത്തിച്ചാല് സ്ഥാപനത്തിന്റെ ലൈസന്സ് റദ്ദ് ചെയ്യുന്നതുള്പ്പെടെയുള്ള നടപടിസ്വീകരിക്കും.
നിരോധിച്ച പ്ലാസ്റ്റിക് ഉത്പന്നങ്ങള്
മധുരപലഹാരങ്ങള്, ക്ഷണക്കത്തുകള്, സിഗരറ്റ് പാക്കറ്റുകള് എന്നിവ പൊതിയുന്ന പ്ലാസ്റ്റിക് ഫിലിം, മിഠായി സ്റ്റിക്, പ്ലാസ്റ്റിക് സ്റ്റിക്കോടുകൂടിയ ഇയര് ബഡ്സുകള്, പ്ലാസ്റ്റിക് ഐസ്ക്രീം സ്റ്റിക്, ബലൂണിലെ പ്ലാസ്റ്റിക് സ്റ്റിക്, നോണ് വൂവന് പ്ലാസ്റ്റിക് ക്യാരി ബാഗുകള്. പ്ലാസ്റ്റിക്ക് ഗാര്ബേജ് ബാഗുകള് (ബയോ മെഡിക്കല് മാലിന്യങ്ങള്ക്കായി ഉളളവ ഒഴികെ), ഏകോപയോഗ പ്ലാസ്റ്റിക് മേശവിരിപ്പുകള്, പ്ലേറ്റുകള്, ടംബ്ലറുകള്, കപ്പുകള്, തെര്മോക്കോള്/സ്റ്റെറോഫോം ഉപയോഗിച്ചുളള അലങ്കാരവസ്തുക്കള്, പ്ലേറ്റുകള്, ടംബ്ലറുകള്, ഏകോപയോഗ പ്ലാസ്റ്റിക് നിര്മിത സ്പൂണ്, ഫോര്ക്ക്, സ്ട്രോ, സ്റ്റിറര്, പ്ലാസ്റ്റിക് ആവരണമുള്ള പേപ്പര് കപ്പ്, പ്ലേറ്റ്, ബൗളുകള്, ഇല, ബാഗുകള്, പ്ലാസ്റ്റിക് കൊടി തോരണങ്ങള്, പിവിസി ഫ്ളെക്സുകള്, പ്ലാസ്റ്റിക്ക് കോട്ടഡ് തുണി, പോളിസ്റ്റര്, നൈലോണ്, കൊറിയന് തുണി ബാനറുകള്, കുടിവെള്ള പൗച്ചുകള്, 500 മില്ലി ലിറ്ററില് താഴെയുള്ള PET/PETE കുടിവെള്ളക്കുപ്പികള്, ബ്രാന്ഡ് ചെയ്യാത്ത ജ്യൂസ് പാക്കറ്റുകള്, പഴങ്ങളും പച്ചകറികളും പാക്ക് ചെയ്യുന്ന പ്ലാസ്റ്റിക് പാക്കറ്റുകള്.
