ബംഗളൂരു: മംഗളൂരു സ്ഫോടനത്തിന് പിന്നാലെ കര്ണാടകയിലെ ക്ഷേത്രങ്ങളുടെ സുരക്ഷ വര്ദ്ധിപ്പിച്ച് കര്ണാടക പോലീസ്.തീരമേഖലയില് സ്ഥിതിചെയ്യുന്ന പ്രധാന ക്ഷേത്രങ്ങളിലാണ് പോലീസ് ശക്തമായ സുരക്ഷ ഏര്പ്പെടുത്തിയിരിക്കുന്നത്. സംസ്ഥാനത്തെ ക്ഷേത്രങ്ങള്ക്ക് നേരെ വീണ്ടും ഭീകരാക്രമണ ശ്രമങ്ങള് ഉണ്ടായേക്കാമെന്ന നിഗമനത്തിന്റെ അടിസ്ഥാനത്തിലാണ് അടിയന്തിര നീക്കം.മംഗളൂരു സ്ഫോടന കേസിലെ പ്രതി ഷാരിഖ് കേദ്രി മജ്ഞുനാഥ സ്വാമി ക്ഷേത്രം ലക്ഷ്യമിട്ടാണ് എത്തിയത്.
ഇതിന്റെ പശ്ചാത്തലത്തില് മജ്ഞുനാഥ ക്ഷേത്രവും, മറ്റൊരു ക്ഷേത്രവും സുരക്ഷ വര്ദ്ധിപ്പിക്കണമെന്ന് ആവശ്യപ്പെട്ട് പോലീസില് അപേക്ഷ സമര്പ്പിച്ചിരുന്നു. ഇത് കൂടി പരിഗണിച്ച ശേഷമായിരുന്നു സുരക്ഷ വര്ദ്ധിപ്പിക്കാനുള്ള തീരുമാനം.സംഭവത്തിന് പിന്നാലെ മജ്ഞുനാഥ ക്ഷേത്രത്തില് പോലീസ് ശക്തമായ നിരീക്ഷണം തുടരുന്നുണ്ട്. എല്ലാ ദിവസം ഉന്നത ഉദ്യോഗസ്ഥരുടെ നേതൃത്വത്തിലുള്ള സംഘം ക്ഷേത്രത്തില് എത്തി സ്ഥിതിഗതികള് വിലയിരുത്തി വരികയാണ്.
അതേസമയം മംഗളൂരു സ്ഫോടനക്കേസ് ഏറ്റെടുത്തതായുള്ള എന്ഐഎയുടെ പ്രഖ്യാപനം ഉടന് ഉണ്ടാകും. സംസ്ഥാന സര്ക്കാരിന്റെ ആവശ്യപ്രകാരം കേസ് അന്വേഷണം ഏറ്റെടുക്കാന് കേന്ദ്ര ആഭ്യന്തര മന്ത്രാലയം എന്ഐഎയ്ക്ക് നിര്ദ്ദേശം നല്കിയിട്ടുണ്ട്.
ദമ്പതികള്ക്ക് മാസം 10,000 രൂപ പെന്ഷന്, 60 വയസ് കഴിഞ്ഞവര്ക്ക് ചേരാം; പ്രധാനമന്ത്രി വയ വന്ദന യോജനയുടെ വിശദാംശങ്ങള്
പ്രായമാകുമ്പോഴും മെച്ചപ്പെട്ട ജീവിതം നയിക്കുന്നതിന് ചെറുപ്പം മുതല് തന്നെ സമ്പാദ്യ ശീലം നല്ലതാണ്. 60 വയസാകുമ്പോള് മാസം തോറും ഗ്യാരണ്ടീഡ് റിട്ടേണ് ലഭിക്കുന്നതിന് നിരവധി പദ്ധതികളുണ്ട്. ജനങ്ങളുടെ ക്ഷേമം മുന്നിര്ത്തി കേന്ദ്ര സര്ക്കാര് ആവിഷ്കരിച്ച പദ്ധതിയാണ് പ്രധാനമന്ത്രി വയ വന്ദന യോജന.ഈ പദ്ധതിയില് ദമ്പതികള്ക്കും ചേരാം. മാസം തോറും പെന്ഷന് പോലെ ഗ്യാരണ്ടീഡ് റിട്ടേണ് ലഭിക്കും.
60 വയസിന് മുകളിലുള്ള ദമ്പതികള്ക്കാണ് ഈ പദ്ധതിയില് ചേരാന് സാധിക്കുക. 2020 മെയ് മാസത്തിലാണ് പദ്ധതി പ്രഖ്യാപിച്ചത്. ലൈഫ് ഇന്ഷുറന്സ് കോര്പ്പറേഷന് ഓഫ് ഇന്ത്യയാണ് ഈ പെന്ഷന് പദ്ധതി നടപ്പാക്കുന്നത്. പദ്ധതിയില് ചേരാനുള്ള കാലാവധി 2023 മാര്ച്ച് 31വരെ സര്ക്കാര് നീട്ടി നല്കിയിട്ടുണ്ട്.15 ലക്ഷം രൂപയാണ് പരമാവധി നിക്ഷേപിക്കാന് കഴിയുന്ന തുക. 7.40 ശതമാനം വാര്ഷിക നിരക്കില് പെന്ഷന് ലഭിക്കുന്നതാണ് പദ്ധതി.
ഭാര്യയും ഭര്ത്താവും 8,10,811 ലക്ഷം വീതം നിക്ഷേപിക്കുക ആണെങ്കില് ഇരുവര്ക്കുമായി മാസം പതിനായിരം രൂപ പെന്ഷനായി ലഭിക്കും. ഈ പദ്ധതി അനുസരിച്ച് ഒരു നിക്ഷേപകന് മാസം പെന്ഷനായി പരമാവധി ലഭിക്കുക 5000 രൂപയാണ്. പത്ത് വര്ഷമാണ് ഈ പദ്ധതിയുടെ കാലാവധി. പോളിസി കാലാവധി തീരുമ്പോള് അടച്ച പണം റീഫണ്ടായും ലഭിക്കും.പെന്ഷന് തുക വാര്ഷികം, അര്ധവാര്ഷികം, ത്രൈമാസം എന്നീ രീതിയിലോ അല്ലെങ്കില് മാസം തോറുമോ നിക്ഷേപകര്ക്ക് ലഭിക്കും. ഓണ്ലൈനായോ ഓഫ്ലൈനായോ ഒരാള്ക്ക് ഈ പദ്ധതിയില് അംഗമാകാന് സാധിക്കും.
പത്ത് വര്ഷ കാലാവധിയിലുള്ള പദ്ധതിയില് നടത്തുന്ന തുടര്ച്ചയായ നിക്ഷേപം കാലാവധി പൂര്ത്തിയാകുമ്പോള് നിക്ഷേപകര്ക്ക് തിരികെ ലഭിക്കും. അതിനിടയില് മരണം സംഭവിച്ചാല് ഇന്ഷുറന്സ് തുക നോമിനിക്ക് ലഭിക്കും.
