പത്തനംതിട്ട: ശബരിമല വിമാനത്താവളം സ്ഥലമേറ്റെടുപ്പിന് സംസ്ഥാന സര്ക്കാര് ഉത്തരവിറക്കി. എരുമേലി സൗത്തിലും മണിമലയിലുമായി 2570 ഏക്കര് ഭൂമിയാണ് ഏറ്റെടുക്കുന്നത്. ചെറുവള്ളി എസ്റ്റേറ്റിന് പുറത്ത് നിന്ന് 307 ഏക്കര് സ്ഥലമേറ്റെടുക്കും. 3500 മീറ്റര് നീളമുള്ള റൺവെ അടക്കം മാസ്റ്റര് പ്ലാൻ അംഗീകരിച്ചിട്ടുണ്ട്.
കേരളത്തിന്റെ വലിയ വികസന സ്വപ്നമാണ് ഈ പദ്ധതി. പല കാലത്ത് പല പ്രതിസന്ധികളിൽ തട്ടി വൈകിയ പദ്ധതിയാണിത്. തുടർ പ്രവർത്തനങ്ങളുമായി സർക്കാർ മുന്നോട്ട് പോവുകയാണ്. കേന്ദ്രസർക്കാരിന്റെയും വ്യോമയാന മന്ത്രാലത്തിന്റെയും അനുമതി ലഭിക്കേണ്ടതുണ്ട്. ചെറുവള്ളി എസ്റ്റേറ്റ് സർക്കാർ ഉടമസ്ഥതയിലാണെന്ന വാദവുമായി പദ്ദതിയുമായി സംസ്ഥാനം മുന്നോട്ട് പോവുകയാണ്.
കഴിഞ്ഞ സംസ്ഥാന ബജറ്റിൽ രണ്ട് കോടി രൂപ വിമാനത്താവളം പദ്ധതിക്കായി നീക്കിവെച്ചിരുന്നു. പദ്ധതിക്ക് കേന്ദ്ര പാർലമെന്ററി സമിതിയുടെ അടക്കം അംഗീകാരം ലഭിച്ചിരുന്നു. ശബരിമല തീർഥാടക ടൂറിസത്തിന് വൻ വളർച്ച നൽകുന്നതാണ് പദ്ധതിയെന്നാണ് സംസ്ഥാന സർക്കാർ പറയുന്നത്. കൊച്ചി, തിരുവനന്തപുരം ടൂറിസം സർക്യൂട്ടുമായി ശബരിമലയെ ബന്ധിപ്പിക്കാൻ ഇതിലൂടെ സാധിക്കും. വിമാനത്താവളത്തിന് വ്യോമസേനയുടെ അനുമതി ലഭിച്ചിട്ടുണ്ട്
അമേരിക്കയിലെ ലൂയിസ് ബർജറാണ് വിമാനത്താവള പദ്ധതിയുടെ കൺസൾട്ടന്റ്. കെഎസ്ഐഡിസിയാണ് ഇവർക്ക് ചുമതല നൽകിയത്. സാങ്കേതിക – സാമ്പത്തിക ആഘാത പഠനം നടത്താൻ ഓഗസ്റ്റ് വരെയാണ് കമ്പനിക്ക് സമയം നൽകിയിരിക്കുന്നത്.
മണിമല വില്ലേജിലാണ് ഏറ്റവും കൂടുതൽ സ്ഥലം ഏറ്റെടുക്കുക. പാരിസ്ഥിതിക ലോല മേഖലയാണിത്. 2263 ഏക്കർ സ്ഥലം ഏറ്റെടുക്കാനായിരുന്നു നേരത്തെ ഡിപിആർ പദ്ധതി തയ്യാറാക്കിയത്. അതേസമയം ചെറുവള്ളി എസ്റ്റേറ്റുമായി ബന്ധപ്പെട്ട ഉടമസ്ഥാവകാശ തർക്കം ഇപ്പോഴും കോട്ടയം പാലാ കോടതിയുടെ പരിഗണനയിലാണ്.
തമിഴ്നാട്ടില് ഓണ്ലൈന് ചൂതാട്ടത്തില് പണം നഷ്ടമായ യുവാവ് ആത്മഹത്യ ചെയ്തു
ഒട്ടംഛത്രം : തമിഴ്നാട്ടില് ഓണ്ലൈന് ചൂതാട്ടത്തില് പണം നഷ്ടമായ യുവാവ് കിണറ്റില് ചാടി ജീവനൊടുക്കി. പളനി സ്വദേശിയായ അരുണ്കുമാറാണ് ജീവനൊടുക്കിയത്.
ബെംഗളൂരുവിലെ സ്വകാര്യകമ്ബനി ജീവനക്കാരനായിരുന്ന അരുണിന് കൊവിഡ് കാലത്ത് ജോലി നഷ്ടമായിരുന്നു. തുടര്ന്ന് വീട്ടില് മടങ്ങിയെത്തി മാസങ്ങളായി വരുമാനമില്ലാതെ നില്ക്കുകയായിരുന്നു.
ഇതിനിടെ ഓണ്ലൈന് ചൂതാട്ടത്തില് ഭാഗ്യം പരീക്ഷിച്ചു. ആദ്യം ചെറിയ തുകകള് കിട്ടിയതോടെ കയ്യില് ശേഷിച്ച പണവും കടമെടുത്തും വിവിധ ഓണ്ലൈന് ഗെയിമുകളില് മുടക്കി. എല്ലാം നഷ്ടമായി.
അമ്മയും മുത്തശ്ശിയും മാത്രമാണ് വീട്ടിലുള്ളത്. കൂലിപ്പണി ചെയ്ത് ജീവിക്കുന്ന ഇവരുടെ ബാങ്ക് അക്കൗണ്ടിലുള്ള നിസ്സാര നീക്കിയിരിപ്പും ചൂതാട്ടത്തില് കളഞ്ഞു. ഓണ്ലൈന് ചൂതാട്ടം തുടരുന്നതിനെതിരെ ശകാരിക്കുമ്ബോള് വീടിനടുത്തുള്ള പറമ്ബിലും മറ്റും പോയിരുന്നു അരുണ് വീണ്ടും റമ്മി കളിക്കുമായിരുന്നുവെന്ന് അമ്മയും മുത്തശ്ശിയും പറയുന്നു.
ഒടുവില് എല്ലാം നഷ്ടപ്പെട്ട് വിഷാദിയായ അരുണ് വീടിനടുത്തുള്ള ഉപേക്ഷിച്ച പൊതുകിണറ്റില് ചാടി ജീവനൊടുക്കുകയായിരുന്നു. ഇതറിയാതെ അരുണിനെ കാണാനില്ലെന്നുകാട്ടി വീട്ടുകാര് കള്ളിമണ്ഡപം പൊലീസ് സ്റ്റേഷനില് പരാതി നല്കി. ഇന്നലെയാണ് കിണറ്റില് അഴുകിയ നിലയില് മൃതദേഹം കണ്ടെത്തിയത്.
