ചെറുപുഴ: പ്രാപ്പോയിൽ വയനാട്ടുകുലവൻ ക്ഷേത്രത്തിലെ അന്നദാനത്തിന് ജുമാമസ്ജിദിൽ നിന്നും ഭാരവാഹികൾ അരി സമർപ്പിച്ചത് നാടിന് മാതൃകയായി. ക്ഷേത്രത്തിലേക്ക് അരിയുമായി എത്തിയ പ്രാപ്പൊയിൽ പള്ളി ഭാരവാഹികളെ ക്ഷേത്രം ഭാരവാഹികൾ സ്വീകരിച്ചു.വയനാട്ടുകുലവൻ ക്ഷേത്രത്തിൽ നടക്കുന്ന ഉത്സവത്തോടനുബന്ധിച്ചാണ് പ്രാപ്പൊയിൽ ജുമാമസ്ജിദ് ഭാരവാഹികൾ അരിയുമായി ക്ഷേത്രത്തിലെത്തിയത്. ചടങ്ങിൽ ഒട്ടേറെ ഭക്തജനങ്ങളും പങ്കെടുത്തു.പള്ളി ഭാരവാഹികളായ പുതിയപുരയിൽ ഷെഫിക്, സിവി റംഷാദ്, സിഎച്ച് നൗഷാദ്, പിവി സാബിർ, പി സിദ്ദീഖ്, സി.വി നിഷാൻ ക്ഷേത്രം പ്രസിഡന്റ് വിവി നാരായണൻ, സെക്രട്ടറി ടിഎം പ്രശാന്ത്, ദേവസ്വം കമ്മിറ്റിയംഗങ്ങൾ, കർമികൾ എന്നിവർ ചേർന്നു സ്വീകരിച്ചു.
ക്ഷേത്രത്തിലെ അന്നദാനത്തിന് ജുമാമസ്ജിദിൽ നിന്നും അരി സമർപ്പിച്ചു; മതമൈത്രിയുടെ ഉദാഹരണമായി വയനാട്ടുകുലവൻ ക്ഷേത്രം
