ബെംഗളൂരു: മൈസൂരു-ബെംഗളൂരു എക്സ്പ്രസ് വേയിൽ അപകടങ്ങളുടെ എണ്ണം വർധിക്കുന്നസാഹചര്യത്തിൽ, ദേശീയപാത അതോറിറ്റി ഓഫ് ഇന്ത്യ(എൻഎച്ച്എഐ) എല്ലാ ഗ്രാമങ്ങളിലും സ്കൈവാക്ക് നിർമ്മിക്കാൻ പദ്ധതി. ദക്ഷിണേന്ത്യയിലെ ആദ്യത്തെനിയന്ത്രിത-ആക്സസ് റോഡാണ് 119 കിലോമീറ്റർ എക്സ്പ്രസ് വേ . ആളുകൾ റോഡ് മുറിച്ചുകടക്കാതിരിക്കാൻഇരുവശങ്ങളിലും കമ്പിവേലികൾ സ്ഥാപിച്ചിരിക്കുകയാണ് അധികൃതർ. എന്നാൽ റോഡ് മുറിച്ചുകടക്കാൻ നാട്ടുകാർ പലയിടത്തും വേലി തകർത്ത് അപകടങ്ങൾക്കിടയാക്കിയിട്ടുണ്ട്.
അപകടങ്ങൾ ഇപ്പോൾ അധികൃതർക്ക് തലവേദനയായി മാറിയിരിക്കുകയാണെന്ന് ബന്ധപ്പെട്ടവർ പറഞ്ഞു. പോലീസിൽ പരാതി നൽകിയിട്ടും അനധികൃതമായി റോഡ് മുറിച്ചുകടക്കുന്നത് പരിശോധിക്കുന്നത് ദുഷ്കരമായിരിക്കുകയാണ്. ജനങ്ങളുടെയും വാഹനങ്ങളുടെയും സുരക്ഷ കണക്കിലെടുത്താണ് എൻഎച്ച്എഐ സ്കൈവാക്കുകൾ നിർമിക്കാൻ തീരുമാനിച്ചതെന്ന് അവർ പറഞ്ഞു.മണ്ഡ്യ ജില്ലയിലൂടെ കടന്നുപോകുന്ന എക്സ്പ്രസ് വേയുടെ 55 കിലോമീറ്റർ ദൈർഘ്യം ഇവിടെ 18 സ്കൈവാക്കുകൾ ആസൂത്രണം ചെയ്തിട്ടുണ്ട്.
കൂടാതെ മൈസൂരു, രാമനഗര, ബെംഗളൂരു റൂറൽ ജില്ലകളിലായി 21 സ്കൈവാക്കുകൾ നിർമിക്കും. ആകാശപാതകൾ നിർമിക്കുന്നതിനുള്ള സ്ഥലങ്ങൾ കണ്ടെത്തി. ചിലയിടങ്ങളിൽ സ്ഥലമെടുപ്പ് ആവശ്യമാണെന്ന് അതോറിറ്റി ഉദ്യോഗസ്ഥർ പറയുന്നു.എന്നാൽ ചിലയിടങ്ങളിൽ മാത്രം അണ്ടർപാസുകൾനിർമിച്ചത് ഗ്രാമീണർക്ക് ബുദ്ധിമുട്ടുണ്ടാക്കുന്നു. ഇതോടെഅവരുടെ ലക്ഷ്യസ്ഥാനത്ത് എത്താൻ രണ്ടോ മൂന്നോ കിലോമീറ്റർ വഴിമാറി പോകേണ്ടത് അനിവാര്യമാക്കി.എന്നാൽ സ്കൈവാക്കുകൾ അതിൽ നിന്നൊരു മോചനം നൽകുമെന്നും, സുന്ദഹള്ളി നിവാസികൾ പറഞ്ഞു.
സൊമാറ്റോ വഴി വാങ്ങിയ മസാലദോശയില്‍ ഒച്ച്‌; വിദ്യാര്‍ഥിനിക്ക് ഭക്ഷ്യവിഷബാധയേറ്റു
സൊമാറ്റോ വഴി ഓര്‍ഡര്‍ ചെയ്ത മസാല ദോശയില്‍ ഒച്ചിനെ കണ്ടു. ദോശ കഴിച്ച 18 കാരിക്കു ഭക്ഷ്യ വിഷബാധയേറ്റു.കോഴിക്കോട് മെഡിക്കല്‍ കോളജിനടത്ത ന്യൂ കൈരളി ഹോട്ടലില്‍ നിന്ന് കുറ്റിക്കാട്ടൂര്‍ സ്വദേശിനി വിജിതയാണു മസാലദോശ വാങ്ങിയത്. ഇവരുടെ വിദ്യാര്‍ഥിനിയായ മകള്‍ അവന്തികയാണ് മസാല ദോശ കഴിച്ചത്. ഇതിനു ശേഷം ഛര്‍ദ്ദി അനുഭവപ്പെട്ട മകളെ ആശുപത്രിയില്‍ പ്രവേശിപ്പിച്ചു. ഭക്ഷ്യവിഷബാധയുണ്ടായതായി ഡോക്ടര്‍മാര്‍ അറിയിച്ചു.സംഭവത്തില്‍ മെഡിക്കല്‍ കോളജ് പോലീസില്‍ പരാതി നല്‍കുമെന്നു വിജിത അറിയിച്ചു.
